Génesis 18:22 - Chayahuita (Shahui)

²² Cato yaꞌpiso quëchitahuatonaꞌ, Sotoma ninanoquë paꞌpi. Apraanso nipirinhuëꞌ, Siniororëꞌ ninontacaso marëꞌ quëparitërin.

Génesis 18:22 ပူးပေါင်းရင်းမြစ်များ

Génesis 18:16

Nani coshatohuachinara, paantacaiso marëꞌ niꞌtoroꞌsasoꞌ huanipi huachi. Sotoma ninanotaquëchin paꞌsahuachinara, Apraani chiꞌyarin. Nontaton patacaso marëꞌ chiꞌyarin.

Génesis 18:17

Papon pochin, Siniorosoꞌ yonquiraarin. “Apraan quëran aꞌna tahuëri panca nacion pipiarin. Naporahuaton ina nacionsoꞌ, chiníquën nanantarin. Napoaton maꞌsona yaninahuësoꞌ, shaꞌhuitaꞌhuaso yaꞌhuërin. Nani shaꞌhuitërahuë yaꞌipi nacionoꞌsa isoroꞌpaquë yaꞌhuërinsopita, ina quëran catahuaꞌhuaso marëꞌ.

Génesis 19:1

Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Génesis 19:27

Tashiramiachin Apraansoꞌ, iꞌhuara Sinioro nontërintaquëchin paꞌnin.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 18:20

Noya nitohuachinacoira ¡co naponinquë iꞌhuërëtëraihuëꞌ! Inahuaso napoaponahuëꞌ, chimipi paꞌpitacaiso marëꞌ noꞌpaꞌ ihuapiso pochin yatëparinaco. Inapita anaꞌintacaso yonquihuatana, ama inapotacaso marëhuëꞌ, nontëranquën. Noꞌhuitëranso sanoaton noya niꞌcamarëꞌ, napotëranquën.

Hechos 7:55

Istipanso nipirinhuëꞌ Ispirito Santori noyá yaꞌcoancantërin niꞌton, inápaquë nëꞌpëtërin. Yosë yaꞌhuërinso chachin niꞌnin. Huënaráchin huënaráchin yaꞌnorin. Quisoso Yosë inchinanën quëran huaniárin, niꞌnin.

1 Timoteo 2:1

Yaꞌipi piyapi marëꞌ Yosë nontacasoꞌ yaꞌhuërin. Niyontonpatamaꞌ, naꞌcon nontocoꞌ Yosëri catahuain. “Aꞌpaniarinpoaꞌ mini,” taꞌtomaꞌ: “Yosparinquën Sinioro,” itocoꞌ. Inaꞌton pënënaranquëmaꞌ.