Génesis 18:2 - Chayahuita (Shahui)

^2-3 Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 18:2 ပူးပေါင်းရင်းမြစ်များ

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

Génesis 18:16

Nani coshatohuachinara, paantacaiso marëꞌ niꞌtoroꞌsasoꞌ huanipi huachi. Sotoma ninanotaquëchin paꞌsahuachinara, Apraani chiꞌyarin. Nontaton patacaso marëꞌ chiꞌyarin.

Génesis 18:22

Cato yaꞌpiso quëchitahuatonaꞌ, Sotoma ninanoquë paꞌpi. Apraanso nipirinhuëꞌ, Siniororëꞌ ninontacaso marëꞌ quëparitërin.

Génesis 19:1

Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Génesis 23:12

Napotopirinhuëꞌ, Apraanso yaꞌhuëhuanoꞌsa inachintopiso nitotaton, anoyatarin. Naquëranchin yaꞌhuëhuanoꞌsa niꞌtonënquë mónsho taantarin.

Génesis 23:7

Napotohuachinara, Apraanso huanirahuaton, itiroꞌsa nontaantacaso marëꞌ mónsho tënin: —Tëhuënchachin isoporinquë saꞌahuëcoꞌ poꞌmocaꞌhuaso nohuantohuatamaꞌ, catahuaco. Canpitari yaꞌhuërënamëhuë Sohuaro huiꞌnin Ipron itopisoꞌ, nontoco topirahuë.

Génesis 32:24

Cacoposoꞌ inaora quëparitohuachina, aꞌnara quëmapi yaꞌnorin. Inarë tahuërianpitaquë huarëꞌ nohuantasoꞌ nipanipi.

Génesis 42:6

Nani shaꞌhuitëranquëmaso chachin Cosisoꞌ, huaraon yaꞌhuërënamën yaꞌipi Iquipitoquë camaitarin. Naporahuaton ina camaitohuachina, yaꞌipi parti quëran huëꞌpisopita, trico paꞌantapi. Iinpitanta camahuachinara, nontacaiso marëꞌ isonpi quëran noꞌpaquë huarëꞌ monshorahuatonaꞌ, moshaipi.

Génesis 43:26

Cosi canquihuachina, nicanacaiso marëꞌ quëshipisoꞌ quëtopi. Naporahuatonaꞌ, isonpi quëran noꞌpaquë huarëꞌ monshorahuatonaꞌ, moshapi.

Génesis 43:28

Inapitasoꞌ mónsho tahuatonaꞌ: —Tatahuëisoꞌ, quëma piyapinën pochin ninin. Noya yaꞌhuëarin. Ipora huanta nanpiárin, itopi.

Génesis 44:14

Cotasoꞌ, iinpitarë chachin Cosi pëinënquë canconpachina, inaso yaꞌhuëarin quënamantapi. Quënanahuatonaꞌ, isonpi quëran noꞌpaquë huarëꞌ monshorahuatonaꞌ, moshaipi.

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

2 Reyes 2:15

Naporinso nicatona pënëntonaꞌpiroꞌsa Quiricoquë yaꞌhuëpisopitasoꞌ: “Iniasë yaꞌcoancantërinso chachin, iporaso Irisionta yaꞌcoancantërin,” topi. Naporoꞌ paaparahuatona nontopi. Mónsho tahuatonaꞌ: —Niꞌquë maistro. Quiyasoꞌ, aꞌnatërápo shonca yaꞌpi chiníquën cancantonaꞌpicoi huëꞌnai. Paatoi maistronën yoniꞌi. Tapona Sinioro ispiritonëni otërahuaton, onpopinquë tëꞌyatërin. Motopiroꞌsaquëhuë nipon, motopianaroꞌsaquëhuë nipon tëꞌyatërinso yoniriꞌi, topiraihuëꞌ, itopi. Inariso napoaponahuëꞌ, itapon: —Ama pacosohuëꞌ, itërin.

Romanos 12:13

Imapisopita pahuantohuachinaꞌ, maꞌsha quëtocoꞌ. Niꞌtoroꞌsaꞌ yaꞌnotohuachinënquëmaꞌ, noya nontatomaꞌ, aꞌcacoꞌ.

Hebreos 13:2

Co nohuitapomarahuëꞌ, nosorocoꞌ. Huëꞌpachina, noya nontatomaꞌ, oꞌshitocoꞌ, aꞌcacoꞌ. Iráca aꞌnaquën napopisoꞌ yonquicoꞌ. Niꞌtoroꞌsaꞌ huëꞌpachinara, “Huëcoꞌ niꞌquicoi,” itërin. Piyapitaꞌmaꞌ topirinhuëꞌ, Yosë anquëninën chachin aꞌcarin. Inapochachin canpoantaꞌ niꞌtoroꞌsaꞌ noya nontahuaꞌ.

Josué 5:13

Aꞌna tahuëri Cosoisoꞌ, Quirico ninano yaꞌcari nisarin. Inaquë niꞌsoꞌ aꞌnanaya aꞌnara quëmapi niꞌnin. Sahuëninën sëꞌquërin quëran ina notënan quëran huaniárin. Yaꞌcarirahuaton Cosoiri natanin: ¿Inta quëma catahuaran? israiroꞌsacoi catahuarancoi: ¿Inimiconëhuëipita nica? itërin.

1 Pedro 4:9

Ama apiracosohuëꞌ. Niꞌtoroꞌsaꞌ huëꞌpachinaꞌ, noya nontocoꞌ. Noya cancantatomaꞌ, aꞌcacoꞌ, ahuëꞌëtocoꞌ.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

Rota naporinso' 2:10

Napotohuachina, inaso Pooso noya nicaton isonin quëran noꞌpaquë huarëꞌ monshomarin. Ina quëran itapon: —¿Onpoatonta ina pochin niꞌnanco? Caso nisha sanapico nipirahuëꞌ, noyasha nontëranco, itërin.