Génesis 18:16 - Chayahuita (Shahui)

¹⁶ Nani coshatohuachinara, paantacaiso marëꞌ niꞌtoroꞌsasoꞌ huanipi huachi. Sotoma ninanotaquëchin paꞌsahuachinara, Apraani chiꞌyarin. Nontaton patacaso marëꞌ chiꞌyarin.

Génesis 18:16 ပူးပေါင်းရင်းမြစ်များ

Génesis 18:15

Sinioro naporinso natanaton, tëꞌhuanënquë Saraso tapon: —Co tëhuarahuëꞌ, tënin. Napoaponahuëꞌ, Siniorori itapon: —Napopiranhuëꞌ, tëhuaransoꞌ nitotërahuë, itërin.

Génesis 18:2

Apraanso niꞌpirinhuëꞌ, cara quëmapi ina notënanquë huaniapi quënanin. Quënanahuaton, aꞌnaroáchin paaparin nontacaso marëꞌ. Isonin quëran noꞌpaquë huarëꞌ monshorahuaton, itapon: —Sinioro, piꞌpian yanontëranquën. Ama naꞌhuëtocosohuëꞌ.

Génesis 18:22

Cato yaꞌpiso quëchitahuatonaꞌ, Sotoma ninanoquë paꞌpi. Apraanso nipirinhuëꞌ, Siniororëꞌ ninontacaso marëꞌ quëparitërin.

Génesis 19:1

Nani yatashirahuasoꞌ, cato anquëniroꞌsaso Sotoma ninanoquë camapi. Ninano yaꞌcoanaquë chachin Noto huënsasoꞌ, camapi. (Inaquë yaꞌhuëhuanoꞌsa niyontonpi maꞌsha yonquiatona anoyatacaiso marëꞌ.) Cato yaꞌpi canquipiso quënanahuaton, paaparin nontapon. Isonin quëran noꞌpaquë huarëꞌ monshorin.

Hechos 15:3

Aꞌpahuachinara, paꞌpi. Pinisia parti, Samaria parti, inaquëpita paꞌsahuatonaꞌ, shaꞌhuiraꞌpiapi. “Nisha piyapiꞌsantaꞌ iráca yonquipisoꞌ naniantatonaꞌ, Quisoso imasapi huachi,” itëraꞌpiapi. Quisoso imapisopita natanahuatonaꞌ, nóya cancantopi.

Hechos 20:38

“Co huachi quënanaramacohuëꞌ,” tëninso marëꞌ naꞌcon sëtopi. Ina quëran nanchaquë huarëꞌ imapi.

Hechos 21:5

Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Romanos 15:24

Nani yonquirahuë Ispaniaꞌpaꞌ aꞌchinaꞌhuaso marëꞌ. Inatohuaꞌ paꞌpato, nirapënquëmaꞌ. Naporo huarëꞌ ninohuitarihuaꞌ. Huaꞌquimiáchin yacapatënquëmaꞌ, piꞌpian tërantaꞌ aꞌchintaranquëmaꞌ. Ina quëran yapaꞌpato, catahuaco noya paꞌi, topirahuëꞌ.

3 Juan 1:6

Inapitasoꞌ huënantahuatonaꞌ, niyontonaiquë shaꞌhuitiirinacoi: “Iya Acayo noya nosororincoi,” itiirinacoi. Naquëranchin quëmataquë cancoantahuachinaꞌ, catahuantaquëꞌ noya paꞌinaꞌ, tënahuë. Yosë marëꞌ sacatapi niꞌton, catahuaquëꞌ ama pahuanchinasohuëꞌ.