Génesis 18:14 - Chayahuita (Shahui)

¹⁴ ¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Génesis 18:14 ပူးပေါင်းရင်းမြစ်များ

Génesis 17:16

Inanta noya nicato catahuararahuë niꞌton, huaꞌhuanarin huachi. Tëhuënchachin cari noya nicato inapotarahuë. Naꞌa nacionoꞌsaꞌ, ina quëran pipiponaꞌ. Ina quëran pipipisopita aꞌnaquënsoꞌ, copirno yaꞌconaponaꞌ, itërin.

Génesis 17:21

Napoaponahuëꞌ quëmaroꞌco anoyatato shaꞌhuitëranquënsopitasoꞌ, Sara huaꞌhuinquën nisarin. Aꞌna piꞌi quëran, ipora tahuëriꞌsa pochin, Isaco nasitapon, itërin.

Génesis 18:10

Naporoꞌ aꞌnari itapon: —Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin. Napoasoi Sarasoꞌ, yaꞌipi nonpisoꞌ natanárin. Apraan pinën quëran, nëꞌmëtë pëi acoana, yaꞌcoana pirayan natanárin.

Génesis 18:13

Siniororiso nipirinhuëꞌ, Apraan itapon: —¡Sara co tëhuacasohuë nipirinhuëꞌ, tëhuarin! “Nani paiyaco” taꞌton, ¿co natëtërinhuëꞌ huaꞌhuanacaso ti?

Génesis 18:15

Sinioro naporinso natanaton, tëꞌhuanënquë Saraso tapon: —Co tëhuarahuëꞌ, tënin. Napoaponahuëꞌ, Siniorori itapon: —Napopiranhuëꞌ, tëhuaransoꞌ nitotërahuë, itërin.

Génesis 21:1

Shaꞌhuitërinso chachin, Siniorori Sara catahuarin.

Génesis 21:2

Ina nohuanton napoin quëran cayorin huachi. Tahuëri nanihuachina, quëmapiaꞌhuaya huairin. Inasoꞌ, Apraan mashoya nicaquë huarëꞌ huiꞌnahuaninso huaꞌhuatërin. Yosëri shaꞌhuitërinso tahuëriꞌsa chachin, huiꞌnin nasitërin.

Copo naporinso' 42:2

“Quëmasoꞌ Sinioro tëhuënchachin yaꞌipi nanitaparan. Maꞌsona yanipatan, co insonta yaꞌcopiarinquënhuëꞌ ina nicacaso marëꞌ.

Salmos 90:13

Sinioro tahuërëtaantacoi. ¡Ama huachi noꞌhuicoisohuëꞌ! Nosoroatoncoi catahuaantacoi.

Salmos 93:1

¡Sinioro huaꞌanëntarin huachi! Noya noya aꞌmorëso pochin yaꞌnorin. Chini chiníquën nanantaton camaitarin. Yaꞌipiroꞌpaꞌ nóya acorin niꞌton, co piꞌpian tëranta nacontarinhuëꞌ.

Salmos 95:3

Yosëíchin chini chiníquën nanantërin. Piyapiꞌsasoꞌ nisha nisha moshapirinahuëꞌ, Yosëíchin chini chiníquën nanantërinsoꞌ.

Daniel 6:20

Nani yaꞌcaritohuachina, co napion ancantaton: —¡Naniri. Quëmaso Yosëíchin cancantaton natëran! Inasoꞌ nanpiárin nichinapon chachin, ¿nichaꞌërinquën paꞌpiniroꞌsa quëran to? itërin.

Miqueas 7:18

Siniorosoꞌ noya niꞌton, ina nontato: “¡Quëmaíchin Yosënquën. Co aꞌna quëma pochin yaꞌhuërinhuëꞌ! Piyapiꞌsa co noyahuëꞌ nipirinahuëꞌ, oshanëna marëꞌ sëtatona nontërinën niꞌton, nichaꞌëran. Caraya israiroꞌsacoi quëparitëraisopita, co natantochináchinhuëꞌ cancantatoi tëhuëtërainquën. Inapopiraihuëꞌ nontërainquën niꞌton, tëhuëtërainquënsoꞌ naniantëran. Noꞌhuípiro nipiraihuëꞌ nosororancoi niꞌton, noꞌhuitëransoꞌ asanoran. Inapoaton catahuantarancoi.

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Mateo 14:31

Aꞌnaroáchin Quisosori maimirarin. Oshirahuaton, ahuaniintarin: —Co yaꞌipi cancanën quëran natërancohuëꞌ niꞌton, acopoiꞌ paꞌsapiranhuëꞌ. ¿Onpoatontaꞌ co noya natërancohuëꞌ? itërin.

Mateo 19:26

Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Mateo 3:9

Ama canpitaora ninonpintocosohuëꞌ. “Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Marcos 10:27

Yaꞌipiya notëërahuaton, Quisosori itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:18

—Casoꞌ mashoyaco. Saꞌahuëntaꞌ nani paiya. ¿Inaporoꞌpocoitaꞌma nica? ¿Onporahuatotaꞌ noꞌtëquën nitochi? tënin Sacariasë.

Lucas 1:37

Yosë yaꞌipi nanitaparin, itërin anquëniri.

Lucas 8:50

Quisososoꞌ natanaponahuëꞌ, itapon: —Ama iyasha paꞌyanquësohuëꞌ. Natëco, huiꞌnan noyachin, itërin.

Romanos 4:21

Yosë yaꞌipiya nanitaparin. Sacaiꞌ niponahuëꞌ, nani shaꞌhuitërinco niꞌton, catahuarinco. Shaꞌhuitërincoso chachin yaꞌhuapon,” tënin.

Efesios 3:20

Tata Yosësoꞌ chini chiníquën nanantaton, yaꞌipi nanitaparin. Huaꞌyanën chachin nani yaꞌcoancantërinpoaꞌ niꞌton, noya catahuarinpoaꞌ. Nani tahuëri achinicancaninpoaꞌ niꞌton, cancanënpoa quëran huarëꞌ Yosë yonquiaꞌahuaꞌ. Ina nontohuatëhuaꞌ, “Catahuaco,” itohuatëhuaꞌ, naꞌcon catahuarinpoaꞌ. Naꞌcon nohuantopirëhuahuëꞌ, naꞌcon naꞌcon inasoꞌ nanitaparin nicacasoꞌ. Co nitotërëhuasohuëntaꞌ nanitaparin.

Deuteronomio 30:3

Inapohuatamaꞌ, co huachi Sinioro anaꞌintarinquëmahuëꞌ. Nosoroatënquëma noya acoantarinquëmaꞌ. Shiparimapitanta inimicoroꞌsari nisha nisha nacionoꞌsaquë ayanquëpirinahuëꞌ, Siniorori ayontoantarin.

Deuteronomio 7:21

Napoaton ama tëꞌhuatatoma ropatocosohuëꞌ. Sinioronënpoasoꞌ Yosë niꞌton, chini chiníquën nanantërin. Naporahuaton paꞌpi tëꞌhuatoroꞌ. Ina chachin canpitasoꞌ catahuaarinquëmaꞌ.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Hebreos 11:19

“Yosë co nonpintërincohuëꞌ. Ananpitaantacasontaꞌ nanitërin,” taꞌton, Apraan natëtërin. Paaton, Isaco yatëparahuachina, Yosëri itaantarin: “Tananpitëquëꞌ. Ama tëpaquësohuëꞌ,” itërin. Napoaton huiꞌnin chiminin quëran, nanpiantarinso pochin niꞌnin.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.