Génesis 18:12 - Chayahuita (Shahui)

¹² Ina yonquiaton, co huachi huina cacotatonhuëꞌ, tëhuarin huachi. Tëhuapon pochin, yonquirin: “Inaporahuë naporini, noya cancanchitohuëꞌ. Napoaponahuëꞌ, catocoi chachin nani mashotërai niꞌton, co quiyaso inapoasocoihuëꞌ ayapoi,” tënin yonquinënquë.

Génesis 18:12 ပူးပေါင်းရင်းမြစ်များ

Génesis 17:17

Napotohuachina, Apraanso isonin. Isonin quëran noꞌpaquë huarëꞌ monshorahuaton tëhuarin. Tëhuapon pochin yonquirin: “¡Pasa piꞌipitohuachinara, co huachi huiꞌnahuanpihuëꞌ! ¡Saranta iscon shonca piꞌipitaton, co huachi onporonta nanitërinhuë huaꞌhuanacasoꞌ!” tënin yonquinënquë.

Génesis 18:13

Siniororiso nipirinhuëꞌ, Apraan itapon: —¡Sara co tëhuacasohuë nipirinhuëꞌ, tëhuarin! “Nani paiyaco” taꞌton, ¿co natëtërinhuëꞌ huaꞌhuanacaso ti?

Efesios 5:33

Canpitantaꞌ iyaroꞌsaꞌ, saꞌamaꞌ naꞌcon nosorocoꞌ. Canpitaora ninosororamaso pochachin saꞌamaꞌ nosorocoꞌ. Sanapiꞌsanquëmantaꞌ soꞌyamaꞌ noya niꞌcoꞌ. Noya nicatomaꞌ, natëcoꞌ.

1 Pedro 3:6

Apraan saꞌin ina pochin ninin, Sara itopisoꞌ. Soꞌin noya natërin. “Camaihuachincora, natërahuë mini,” tënin. Canpitantaꞌ imoyaroꞌsaꞌ noya nipatamaꞌ, ina pochin cancantaramaꞌ. Noyápiachin cancantohuatamaꞌ, co tëꞌhuatochinachin cancantaramahuëꞌ.