Génesis 17:23 - Chayahuita (Shahui)

²³ Naporo tahuëri chachin Apraansoꞌ, huiꞌnin Ismairo itërinso marca acotërin. Piyapinënpita pëinënquë chachin nasitopisontaꞌ, inapotërin. Aꞌnapitanta coriquinën quëran paꞌaninsoꞌ, acotërin. Yaꞌipi quëmapiꞌsa Apraan pëinënquë yaꞌhuëpisopita, marca niacotopi huachi. Yosë camaitërinso chachin nipi.

Génesis 17:23 ပူးပေါင်းရင်းမြစ်များ

Génesis 14:14

Apranso apin quëpapiso natantahuaton, piyapinënpita natëtonoꞌsa nipiso huayonin. Inapitasoꞌ, pëinënquë chachin huaꞌhuatatona soꞌsopisoꞌ. Ayontonpachina, cara pasa shonca posa quëmapiꞌsa yaꞌipiya quëran icanpi. Inapitarëꞌ, Apran paꞌnin copirnoroꞌsa imacaso marëꞌ. Tano ninanoaꞌhuaquë huarëꞌ imarin.

Génesis 17:9

Napotahuaton, taantarin: —Napoaponahuëꞌ, quëmarëꞌcoso nani anoyatërahuë niꞌton, natëco. Inapochachin shiparinpitanta natëinaco.

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Génesis 34:24

Siquimo paꞌpinë chachin napopiso natanatonaꞌ, nohuantopi. Napoaton yaꞌipi quëmapiꞌsa chiníquënoꞌsa nipisoꞌ, marca niacotopi huachi.

Proverbios 27:1

Aꞌnaquëma co Yosë yonquiapomarahuëꞌ: “Tashiraya maꞌsha nisarahuë,” toconamaꞌ. Napopiramahuëꞌ, canpitaso co nitotëramahuëꞌ tashiraya maꞌsha onpocamasoꞌ.

Eclesiastés 9:10

Maꞌsona tëranta nicacasoꞌ yonquihuatan, yaꞌipi cancanën quëran niquëꞌ. Aꞌna tahuëri chiminpatan, co huachi manta nisaranhuëꞌ. Co manta yonquiaranhuëꞌ. Co inaquëso maꞌsha nitotërëhuëꞌ. Co inaquësoꞌ yonquínahuan ninëhuëꞌ.

Hechos 16:3

“Huëquëꞌ api imaquico,” itërin Paonori. “Noyahuaꞌ, paꞌi cantaꞌ,” tënin antaꞌ. Inaquë naꞌa cotioroꞌsaꞌ yaꞌhuëpi niꞌton, Paonori shaꞌhuitohuachina, marca acotopi. Paꞌpinsoꞌ Crico quëmapi niꞌton, napopi.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

Gálatas 6:15

Marcasoꞌ co onpopinchin yonquicasoꞌ yaꞌhuërinhuëꞌ. Co ina marëꞌ Yosë noya niꞌninpoahuëꞌ. Quisocristo imapatëhuaꞌ, nasha cancan quëtërinpoaꞌ. Ina marëꞌ tëhuënchinsoꞌ noya niꞌninpoaꞌ.