Génesis 17:16 - Chayahuita (Shahui)

¹⁶ Inanta noya nicato catahuararahuë niꞌton, huaꞌhuanarin huachi. Tëhuënchachin cari noya nicato inapotarahuë. Naꞌa nacionoꞌsaꞌ, ina quëran pipiponaꞌ. Ina quëran pipipisopita aꞌnaquënsoꞌ, copirno yaꞌconaponaꞌ, itërin.

Génesis 17:16 ပူးပေါင်းရင်းမြစ်များ

Génesis 1:28

Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 15:4

Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

Génesis 17:15

Naporo chachin, Yosëri Apraan itaantarin: —Saꞌaontaꞌ Sarai itopiramahuëꞌ, co huachi inapochin nohuitaramahuëꞌ. Ipora quëran huarëꞌ Sara itapomaꞌ.

Génesis 17:19

Yosëriso nipirinhuëꞌ, itapon: —Saꞌanquë chachin huiꞌnahuanaran taꞌto, napotaranquën. Huiꞌnan nasitohuachin, Isaco itaran. Quëmarëꞌco anoyatërahuësoꞌ, inanta shaꞌhuitarahuë. Shaꞌhuitërahuëso chachin, shinpitanta catahuamiatarahuë.

Génesis 17:6

Carinquën catahuaranquën niꞌton, notohuaroꞌ shiparinpita yaꞌhuëtarinquën. Aꞌnaquën shiparinpita, copirno yaꞌconaponaꞌ. Aꞌnaquëontaꞌ, nacionoꞌsa ocoiaponaꞌ.

Génesis 21:1

Shaꞌhuitërinso chachin, Siniorori Sara catahuarin.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 25:23

Natanpachina, Siniorori itapon: “Catopiaꞌhuaya cayoran. Inapita shinpita quëran cato nacion pipipon. Cato huënton nicatonaꞌ, niahuëráponaꞌ. Ipora shimashonëna coꞌhuara nasichátëraponahuëꞌ, niahuëpiso pochin nicaponaꞌ. Aꞌnara chini chiníquën nanantapon. Naporahuaton huaꞌhua nininsoari masho masho nininso camairápon,” itërin.

Génesis 36:31

Coꞌhuara israiroꞌsa copirno yaꞌhuëchatërasoihuëꞌ, isopitaꞌton Itomo noꞌpaquë copirno yaꞌconpi. Piraꞌton yaꞌconin. Inasoꞌ, Pioro huiꞌnin. Tinapa ninanoquë yaꞌhuërin.

Isaías 49:23

Copirnoroꞌsanta huiꞌninpita pochin nitarinquëmaꞌ. Inahua huiꞌninpita sanapi nipisopitantaꞌ, nocomatënquëma asoꞌsoarinquëmaꞌ. Inapitasoꞌ noya nicatënëmaꞌ, moshaponëmaꞌ. Isonpi quëran noꞌpaquë huarëꞌ monshorahuatonaꞌ, canpitasáchin natëinëmasoꞌ anitotarinënquëmaꞌ. Inapoatonaꞌ: ‘Tëhuënchachin Siniorosoꞌ chini chiníquën nanantërin. Naporahuaton inasáchin ninapisopitasoꞌ, co onporonta taparo nisapihuëꞌ,’ tëcaponaꞌ,” tënin.

Romanos 9:9

Iráca Yosëri Apraan itapon: “Aꞌna piꞌipi quëran nicaponquën huëantarahuë. Naporoꞌ ca nohuanto, saꞌan huaꞌhuanarin,” itërin. Naporinso chachin tahuëri nanihuachina, Isaco nasitërin, Yosëri acorinsoꞌ.

Gálatas 4:23

Cosonanënsoꞌ aꞌnapita sanapiꞌsaꞌ pochin huaꞌhuanin. Saꞌin chachinso nipirinhuëꞌ Yosë nohuanton, huaꞌhuanin. Coꞌhuara huaꞌhuayantëraponhuëꞌ, Yosëri itërin: “Ca nohuantonëhuëquë huaꞌhuanaran,” itërin. Yosëri catahuarin niꞌton, huaꞌhuanin.

1 Pedro 3:6

Apraan saꞌin ina pochin ninin, Sara itopisoꞌ. Soꞌin noya natërin. “Camaihuachincora, natërahuë mini,” tënin. Canpitantaꞌ imoyaroꞌsaꞌ noya nipatamaꞌ, ina pochin cancantaramaꞌ. Noyápiachin cancantohuatamaꞌ, co tëꞌhuatochinachin cancantaramahuëꞌ.