Génesis 17:1 - Chayahuita (Shahui)

¹ Apran iscon shonca iscon piꞌipitasoꞌ, Siniorori yaꞌnotahuaton, itapon: —Caso Yosëco, yaꞌipi nanitaparahuë. Natëtonco, nohuantërahuësoráchin niquëꞌ.

Génesis 17:1 ပူးပေါင်းရင်းမြစ်များ

Génesis 12:1

Aꞌna tahuëri Siniorori Apran itapon: “Yaꞌhuëran quëran pipimiatëquëꞌ. Quëmopinënpita, tataparin yaꞌhuërinso noꞌpaꞌ, inapita patëquëꞌ. Aꞌna noꞌpaꞌ carinquën aꞌnotaranquën. Inaquë yaꞌhuëconquë huachi.

Génesis 12:7

Inaquë Siniorori, Apran yaꞌnotahuaton, itërin: “Yaꞌipi iso noꞌpaꞌ, shiparinpita quëtarahuë huaꞌanëntaponaꞌ,” itërin. Naporo chachin Apran Sinioro chinotacaso marëꞌ aꞌnara artaro ninin. Inaquë yaꞌnotërin niꞌton, chinotërin.

Génesis 18:1

Insina nararoꞌ, Mamiriri huaꞌanëntërinquë Apraan yaꞌhuëarin. Inaquë nisoꞌ, Siniorori, yaꞌnotaantarin. Camotëchin pochin nisapasoꞌ yaꞌnotërin. Nëꞌmëtë pëinën yaꞌcoananënquë huënsasoꞌ, napoarin.

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Génesis 24:40

Napotohuatora, shaꞌhuitërinco: “Niꞌquëꞌ, caso Sinioro iranën noꞌtëquën paꞌtërahuë niꞌton, anquëninën aꞌpararin catahuainquënso marëꞌ. Ina nohuanton, noya paꞌsahuaton sanapi quënamaran. Tatahuëi quëran quëmopinëhuë huiꞌnin chachin, huiꞌnahuë marëꞌ matomaran.

Génesis 26:2

Inaquë Siniorori yaꞌnotahuaton, itërin: “Ama Iquipitoquë paꞌmaquësohuëꞌ. Insëquësona quëparitacasoꞌ, carinquën shaꞌhuitaranquën.

Génesis 28:3

Yosë yaꞌipi nanitaparinsoꞌ catahuainquën. Naꞌa huiꞌnanpita quëchinquën. Quëmá quëran naꞌa nacionoꞌsa pipicaso marëꞌ inapochinquën.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 46:3

—Caso Yosëco. Tataparionta chinotërinco. Iquipitoquë paꞌmacaso marëꞌ ama tëꞌhuaquësohuëꞌ. Inaquë shiparinpita naꞌatonaꞌ, panca nacion ocoiaponaꞌ.

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Génesis 48:3

Cosisoꞌ, huiꞌninpitarë chachin yaꞌcoontarahuaton paꞌpin nontoonin. Ina quëran Cacoposoꞌ Cosi itapon: —Yosë yaꞌipi nanitaparinsoꞌ, Noso ninanoquë yaꞌnotërinco. Inaso ninanoꞌ, Canaan parti yaꞌhuërin. Yaꞌnotahuatonco, iso pochin noya yaꞌhuëcaꞌhuaso marëꞌ shaꞌhuitërinco: “Niꞌquëꞌ. Ca nohuanto, notohuaroꞌ huiꞌnanpita yaꞌhuëtarinquën. Quëmá quëran pipipisopita, naꞌa nacionoꞌsa ocoyaponaꞌ. Naporahuaton, inapita, iso noꞌpaꞌ quëtarahuë. Inapitari huaꞌanëntomiataponaꞌ,” itërinco.

Génesis 5:22

Inocosoꞌ, nani tahuëri Yosë chinotaton, ina nohuantërinsoráchin ninin. Matosarino nasitërin piquëran Inocosoꞌ, cara pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Génesis 5:24

Inasoꞌ, Yosë nohuantërinsoráchin nininso marëꞌ aꞌnanaya ayarin. Yosëri inápaquë quëparin.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

1 Reyes 2:4

Huiꞌnanpita, shiparinpita, inapitanta inasáchin natëcaiso yaꞌhuërin. Inapohuatamaꞌ, carë anoyatërinso chachin, quëmopinënporáchin israiroꞌsa copirnonëna nicaponaꞌ.

1 Reyes 3:6

Natanahuaton inarisoꞌ: “Tatacosoꞌ quëma piyapinën. Inasoꞌ, noꞌtëquënáchin imamiatërinquën. Noyasáchin nicaton, co manta ihuatërinhuëꞌ. Ina marëꞌ quëmarisoꞌ noya nicaton catahuaran. Ina nosoroaton israiroꞌsa huaꞌanëntaꞌhuaso marëꞌ acoranco cantaꞌ. Quëma nohuanton huiꞌnapico niporahuëꞌ, ina yaꞌhuërënamën huaꞌanëntaꞌhuaso marëꞌ acoranco. Co manta camaitaꞌhuaso nitotopirahuëꞌ, napotëranco.

1 Reyes 8:25

Naporahuaton, isonta tata Tapico nani shaꞌhuitëran: ‘Ca nohuanton quëmá quëran pipipisopitaráchin israiroꞌsa huaꞌanëntaponaꞌ. Quëma natërancoso pochachin inapitanta natëhuachinaco, inapoapi,’ itëran. Ina pochin shaꞌhuitëran niꞌton, ina inachachin nitëquëꞌ.

Copo naporinso' 1:1

Oso parti itopiquë aꞌnara quëmapi yaꞌhuërin, Copo itopisoꞌ. Inasoꞌ noyasáchin nicaton, co manta tëhuërinhuëꞌ. Yosë noꞌtëquën natëton, co manta piyapiꞌsa maꞌsha onpotërinhuëꞌ.

Salmos 115:3

Yosënëhuëisoꞌ, inápaquë yaꞌhuëarin. Inaora nohuanton maꞌsona nohuantërinsoꞌ ninin.

Salmos 116:9

Sinioroíchin isoroꞌpaquë natëarahuë huachi.

Éxodo 6:3

Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan.

Daniel 4:35

Isoroꞌpaquë yaꞌhuëpisopita quëma marësoꞌ, co máquënoꞌsahuëꞌ. Inápaquë yaꞌhuëpisopita, nohuantëransoráchin nipi. Isoroꞌpaquëntaꞌ, ina pochachin nipi. Chini chiníquën nanantëran niꞌton, co insonta nanitarinhuëꞌ, chinitiinquënsoꞌ. Maꞌsha nipataontaꞌ: ‘¿Onpoatonta ina pochin nisaran?’ co itiinënso yaꞌhuërinhuëꞌ,” itërahuë.

Miqueas 6:8

Napopiramahuëꞌ, co inapita Siniorosoꞌ nataninquëmahuëꞌ. Nani inaso maꞌsona nicacasoꞌ shaꞌhuitërinpoaꞌ. Piyapiꞌsa nosoroatëhua paꞌpoyacaso yaꞌhuërin. Maꞌsona nicacasoꞌ shaꞌhuihuatëra, ananicaso yaꞌhuërin. Naporahuaton: “Caora co nanitërahuë noya nicaꞌhuasoꞌ,” taꞌtëhuaꞌ, Sinioroíchin natëcaso yaꞌhuërin.

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Números 24:16

Yosë ispiritonën yaꞌcoancantohuachincora, noya noya nitotërahuë. Yosë chachin nanan anitotërinco. Co huëꞌëporahuëꞌ, huaꞌnarëso pochin quënanahuë. Ina Yosëso chini chiníquën nanantaton yaꞌipi nanitaparin.

Mateo 19:26

Yaꞌipiya notëërahuaton, itapon: —Co insontaꞌ inaora nanitërinhuëꞌ chaꞌëcasoꞌ. Yosëíchin nanitërin anoyacancantinquëmasoꞌ. Yaꞌipiya nanitaparin, itërin.

Mateo 5:48

Tata Yosë pochin cancantacasoꞌ yaꞌhuërin. Inaso noyasáchin ninin niꞌton, canpitantaꞌ ina pochin cancantatomaꞌ, noyasáchin nicoꞌ,” tënin.

Lucas 1:6

Cato chachin noya Yosë imapi. Yaꞌipi pënëntërinsoꞌ noꞌtëquën natëpi.

Hechos 23:1

Paono yaꞌconahuaton, huaꞌanoꞌsaꞌ notëërahuaton, itapon: —Ipora iyaroꞌsaꞌ piꞌpian nonchinquëmaꞌ natanco. Huaꞌhuatapo quëran huarëꞌ noya ninahuë. Yosë niꞌsárinco, co mantaꞌ onporahuëꞌ, itërin.

Hechos 24:16

Napoaton nani tahuëriya Yosë noꞌtëquën yanatërahuë. Piyapiꞌsantaꞌ co yanonpintërahuëꞌ.

Efesios 3:20

Tata Yosësoꞌ chini chiníquën nanantaton, yaꞌipi nanitaparin. Huaꞌyanën chachin nani yaꞌcoancantërinpoaꞌ niꞌton, noya catahuarinpoaꞌ. Nani tahuëri achinicancaninpoaꞌ niꞌton, cancanënpoa quëran huarëꞌ Yosë yonquiaꞌahuaꞌ. Ina nontohuatëhuaꞌ, “Catahuaco,” itohuatëhuaꞌ, naꞌcon catahuarinpoaꞌ. Naꞌcon nohuantopirëhuahuëꞌ, naꞌcon naꞌcon inasoꞌ nanitaparin nicacasoꞌ. Co nitotërëhuasohuëntaꞌ nanitaparin.

Deuteronomio 10:17

Siniorosoꞌ Yosë niꞌton, yaꞌipi yosëroꞌsa quëran chini chiníquën nanantërin. Yaꞌipi huaꞌanoꞌsantaꞌ, huaꞌanëntërin. Co incari tëranta inasoꞌ, camaiaponhuëꞌ. Chini chiníquën nanantaton, paꞌpi tëꞌhuatoro yaꞌnorin. Yaꞌipi piyapiꞌsa napopináchin niꞌnin. Co incari tëranta inasoꞌ: ‘Pahuërëꞌinquën, ama anaꞌintocosohuëꞌ’ co itaponhuëꞌ.

Deuteronomio 30:20

Sinioronënpoasoꞌ Yosë niꞌton, inasáchin cancantatoma nosorocoꞌ. Nosoroatoma noꞌtëquën natëcoꞌ. Inapohuatamaꞌ, huaꞌqui tahuëri noꞌpaꞌ quëtarinquëmaquë, yaꞌhuëaramaꞌ. Nani shimashonëmapita Apraan, Isaco, Cacopo, inapita: ‘Caso Yosëco niꞌto, shiparimapita iso noꞌpaꞌ quëtarahuë,’ itërin,” tënin Moisësë.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.