Génesis 16:8 - Chayahuita (Shahui)

⁸ Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Génesis 16:8 ပူးပေါင်းရင်းမြစ်များ

Génesis 16:1

Sarai co huaꞌhuanaꞌpihuë niꞌton, co Apran huiꞌnahuaninhuëꞌ. Napoaponahuëꞌ, Saraiso aꞌnara cosonanën yaꞌhuëtërin. Inaso iquipitoron. Acara itopi.

Génesis 16:4

Shiarahuaton Acarasoꞌ, cayorin huachi. Inaporahuaton, huaꞌanën nocanin. Nocanaton, co yanatërinhuëꞌ.

Génesis 16:9

Naporoꞌ Sinioro anquëninëni, itapon: —Naquëranchin patronanën paapantaquëꞌ. Maꞌsona camairinquënsopita, natëquëꞌ, itërin.

Génesis 21:17

Yosëri, huiꞌnapi naꞌnërinsoꞌ natanin. Napoaton Yosë anquëninëni, inápa quëran përasahuaton nontërin: “¿Maꞌta Acara onporan? ¡Ama paꞌyanquësohuëꞌ! Yosëri, huiꞌnapi naꞌnërinsoꞌ natanin.

Génesis 3:9

Naꞌpitopirinahuëꞌ, inariso përarin: —Atan. ¿Insëquëta yaꞌhuaran? itërin.

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

1 Reyes 19:13

Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

1 Reyes 19:9

Cancontarahuaton, motopi naninquë huëꞌëcaso marëꞌ yaꞌconin. Yaꞌconpirinhuëꞌ, Siniorori itapon: “¿Maꞌta isëquë nisaran Iniasë?” itërin.

2 Reyes 5:25

Inapotahuaton, huaꞌanën nicapon paꞌnin. Cantonpachina huaꞌanëni: —¿Intohuaranta huëꞌsaran? itërin. —Co caso intohua tëranta paꞌnahuëꞌ, itërin inarisoꞌ.