Génesis 16:6 - Chayahuita (Shahui)

⁶ Napotohuachina, Apranisoꞌ itapon: —Niꞌquëꞌ, cosonanënsoꞌ, natëinquënso yaꞌhuërin. Maꞌsona nohuantëransoꞌ nitëquëꞌ, itërin. Naporo quëran huarëꞌ Saraisoꞌ, Acara paꞌpi aparisitërin. Napoaton, inaso taꞌarin huachi.

Génesis 16:6 ပူးပေါင်းရင်းမြစ်များ

Génesis 16:9

Naporoꞌ Sinioro anquëninëni, itapon: —Naquëranchin patronanën paapantaquëꞌ. Maꞌsona camairinquënsopita, natëquëꞌ, itërin.

Génesis 24:10

Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

Copo naporinso' 2:6

Naporoꞌ Siniorori itapon: —Inta nipachin. Maꞌsha onpotëriquëꞌ. Napoaponahuëꞌ, ama tëpaquësohuëꞌ, itaantarin.

Éxodo 2:15

Naporinso chachin huaraontaꞌ, Moisësëri Iquipito quëmapi tëparinsoꞌ nitotërin. Napoaton yonitona tëpacaiso marëꞌ piyapinënpita camairin. Moisësëso nipirinhuëꞌ, Matian parti taꞌarin. Inaquë canconahuaton, chinotacaso marëꞌ aꞌna poso pirayan huënsëconin.

Proverbios 15:1

Noꞌhuirapirinënhuëꞌ sanoanan quëran aꞌpanihuatan, asanotaran. Iquianan quëran chachin aꞌpanihuatansoꞌ, naꞌcon naꞌcon anoꞌhuitaran.

Jeremías 38:5

Napotohuachinara: —Yainapotohuatamaꞌ, inapotoco nipachin. Co caso nanitërahuë canpita chinitaꞌhuanquëmasoꞌ, itërin copirnori.

1 Pedro 3:7

Canpitantaꞌ iyaroꞌsaꞌ, saꞌamaꞌ nosoroatomaꞌ noya ichiyaꞌhuëcoꞌ. Co canpita pochin chinipihuëꞌ niꞌton, noya nicatomaꞌ, sanoanan quëran nontocoꞌ. Inapitantaꞌ Quisocristo imapi niꞌton, canpitarëꞌquëma chachin Yosë huëntonënquë yaꞌconpi antaꞌ. Inapitantaꞌ nanpimiatapi. Ina yonquiatomaꞌ, saꞌamaꞌ noya nosorocoꞌ. Inapotohuatamaꞌ, Yosë nontohuatamaꞌ, catahuarinquëmaꞌ.