Génesis 16:12 - Chayahuita (Shahui)

¹² Mashotohuachin, tanan cahuario paꞌpi notëraya pochin nisarin. Yaꞌipiya inimicotarin. Inantaꞌ, yaꞌipiya quëran, inimicotaponaꞌ. Quëmopinënpitari co quëꞌyapirinahuëꞌ, inahua notënanquë chachin yaꞌhuapon,” itërin.

Génesis 16:12 ပူးပေါင်းရင်းမြစ်များ

Génesis 21:20

Yosëri, huiꞌnapi catahuarin niꞌton, nóya aꞌshinin. Paran inotëro parti yaꞌhuëpi. Míso pëꞌchinantërin. Oshaquëran aꞌshini Iquipito sanapi yoniton, acoantërin.

Génesis 25:18

Ismairo quëran pipipisopitasoꞌ, Apira parti, Shor parti, inapita partiroꞌsari ahuancanapirin. Inaquë, noꞌpaꞌ macatona yaꞌhuëpi. Iquipito notënanquë yaꞌhuëpi. Ina partitaquëchin Iquipito quëran, Asiriaquë ira paꞌninsoꞌ naꞌhuërin. Iinpitari, co nohuantopirinahuëꞌ, inaquë noꞌpaꞌ macatonaꞌ, yaꞌhuëpi huachi.

Génesis 37:25

Inapotahuatonaꞌ, coshatapi huachi. Coshatasoi niꞌpirinahuëꞌ, aꞌna huëntonaꞌ Ismairo nicatonoꞌsaꞌ, nioshirin huëꞌsapi. Carata parti quëran huëꞌsapi. Camiyonënaquë, pimo huaꞌsairoꞌsaꞌ, parsamo nimirio, pimo yaquiꞌ, inapita quësapi. Iquipitoquë paꞌanaponaꞌ, quëparapi.