Génesis 16:1 - Chayahuita (Shahui)

¹ Sarai co huaꞌhuanaꞌpihuë niꞌton, co Apran huiꞌnahuaninhuëꞌ. Napoaponahuëꞌ, Saraiso aꞌnara cosonanën yaꞌhuëtërin. Inaso iquipitoron. Acara itopi.

Génesis 16:1 ပူးပေါင်းရင်းမြစ်များ

Génesis 11:30

Saraiso co huaꞌhuanaꞌpihuë niꞌton, co huaꞌhuaninhuëꞌ.

Génesis 12:16

Sarai marëꞌ huaraonsoꞌ, Apran paꞌpi payarin. Nani maꞌsha topinan quëtërin. Ohuicaroꞌsaꞌ, ohuacaroꞌsaꞌ, camiyoroꞌsaꞌ, moraroꞌsaꞌ, inapita quëtërin. Naporahuaton piyapinënpita camaicaso marëꞌ quëmapiꞌsaꞌ, sanapiꞌsaꞌ, quëtërin.

Génesis 21:12

Sëtopirinhuëꞌ, Yosëri itërin: “Ama huiꞌnapi marëꞌ sëtëquësohuëꞌ. Co cosonanën marëꞌ tëranta sëtacaso yaꞌhuërinhuëꞌ. Maꞌsona Sara nohuantërinso niquëꞌ. Isaco quëran pipipisopita, noya noya catahuararahuë. Inapita mini yonquiato nani shaꞌhuitëranquën nisapasoꞌ.

Génesis 25:21

Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

Lucas 1:36

Niꞌquëꞌ. Quëmopinën Isapira itopisoꞌ paiya niponahuëꞌ, Yosë nohuanton nani cayorin. Co huaꞌhuanaꞌpihuëꞌ niponahuëꞌ, nani saota yoquitarin. Quëmapiaꞌhuaya huaipon.

Lucas 1:7

Saꞌinso nipirinhuëꞌ co huaꞌhuanaꞌpihuëꞌ. Co aꞌnaya tërantaꞌ huaꞌhuin yaꞌhuëtërinhuëꞌ. Nani paiya. Soꞌiontaꞌ nani mashoya.

Gálatas 4:24

Iso catoꞌ sanapiꞌsaꞌ yonquiatomaꞌ, nitotocoꞌ. Catoꞌ sanapiꞌsaꞌ yaꞌhuërin. Inapochachin catoꞌ anoyatërinso yaꞌhuërin. Aꞌnasoꞌ iráca pënëntërinsoꞌ, itopi. Aꞌnasoꞌ nipirinhuëꞌ, Quisocristo quëran anoyatërinpoasoꞌ. Iráca pënëntërinsosoꞌ cosona pochin ninin, Acara itopisoꞌ. Iráca cotioroꞌsaꞌ Arapia parti paꞌtopi. Ina parti paꞌtasoiꞌ, Moisësë pënëntërin. Sinai motopiquë canconpachinara, pënëntërin nani maꞌsha natëcaisoꞌ. “Co noꞌtëquën natëhuatëhuahuëꞌ, Yosë anaꞌintarinpoaꞌ,” taꞌtonaꞌ, tëꞌhuatopi. Ipora huantaꞌ cotioroꞌsasoꞌ Quirosarinquë yaꞌhuatonaꞌ, pënëntërinsoꞌ nanan imasapi. “Anaꞌintohuachinpoaꞌ,” taꞌtonaꞌ, tëꞌhuarëꞌnaꞌ yaꞌhuapi.

Jueces 13:2

Tano israiroꞌsa huënton noꞌpanënquë aꞌnara ninano yaꞌhuërin. Inaso ninanoꞌ, Sora itopi. Inaquë aꞌna quëmapi saꞌinë chachin yaꞌhuërin. Inasoꞌ quëmapi Manoa itopi. Saꞌinsoꞌ co nito huaꞌhuaninhuëꞌ.

1 Samuel 1:5

Anaso nipirinhuëꞌ, panca panca quëtërin. Sinioro nohuanton co huaꞌhuanaꞌpihuë nipirinhuëꞌ, nosororin. Nosoroaton yánapotërin.