Génesis 15:4 - Chayahuita (Shahui)

⁴ Siniororiso nipirinhuëꞌ, itapon: —Co ina yaꞌhuërëtaponquënhuëꞌ. Huiꞌnan chachin yaꞌhuërëtaponquën, itërin.

Génesis 15:4 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 17:16

Inanta noya nicato catahuararahuë niꞌton, huaꞌhuanarin huachi. Tëhuënchachin cari noya nicato inapotarahuë. Naꞌa nacionoꞌsaꞌ, ina quëran pipiponaꞌ. Ina quëran pipipisopita aꞌnaquënsoꞌ, copirno yaꞌconaponaꞌ, itërin.

Génesis 21:12

Sëtopirinhuëꞌ, Yosëri itërin: “Ama huiꞌnapi marëꞌ sëtëquësohuëꞌ. Co cosonanën marëꞌ tëranta sëtacaso yaꞌhuërinhuëꞌ. Maꞌsona Sara nohuantërinso niquëꞌ. Isaco quëran pipipisopita, noya noya catahuararahuë. Inapita mini yonquiato nani shaꞌhuitëranquën nisapasoꞌ.

2 Samuel 16:11

Napotahuaton Apisai, sontaro huaꞌanoꞌsaꞌ, inapita itapon: —Niꞌcoꞌ. Huiꞌnahuë chachin nipirinhuëꞌ, yatëparinco. Aquëtë huarëꞌ Mincamin huënton piyapisoꞌ tëpaincosonta yaꞌhuërin. ¡Tananpitoco noꞌhuiinco! Siniorori ina pochin camaimara.

2 Samuel 7:12

Aꞌna tahuëri chiminpatan, aꞌnara huiꞌnan copirno nicacaso marëꞌ acoarahuë.

Gálatas 4:28

Apraan huiꞌnin chachin Isaco itopisoꞌ. Yosë nohuanton, yaꞌhuëtërin. “Noꞌtëquën Yosë nontërinco,” topachina, ina nohuanton, Isaco nasitërin. Canpoantaꞌ Quisocristo imapatëhuaꞌ, Yosë nohuanton, huëntonënquë yaꞌconarihuaꞌ. Huiꞌninpita pochin niꞌninpoaꞌ.

Filemón 1:12

Noya catahuapirincohuëꞌ, apira aꞌpataranquën. Naꞌcon nosoropirahuëꞌ, quëma piyapinën niꞌton, nani shaꞌhuitërahuë yaꞌhuëranquë panantacaso marëꞌ. Ca pochachin cancantaton, noya niꞌquëꞌ.