Génesis 15:17 - Chayahuita (Shahui)

¹⁷ Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

Génesis 15:17 ပူးပေါင်းရင်းမြစ်များ

Génesis 15:10

Aprani, inapita maꞌsharoꞌsa Yosë quëshirin. Tëparahuaton huancánachin nichatëraꞌpiarin. Nichatërinsopita, cato panshinquë yaꞌcarísha acorahuaton, anotëraꞌpiarin. Inairaroꞌsaso nipirinhuëꞌ, co nichatërinhuëꞌ.

2 Samuel 22:9

Paꞌpi noꞌhuitëran niꞌton, nitëquën quëran conai pipirinso pochin yaꞌnoran. Nanamën quëran panca pën pipirinso pochin yaꞌnoran. ¡Inaran chachin pënayaroꞌsa opororanso pochin yaꞌnoran!

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

Éxodo 19:18

Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Éxodo 20:18

Noninsoꞌ, huiratërinsoꞌ, carniro pomon pihuipisoꞌ, inapita natanahuatonaꞌ, israiroꞌsasoꞌ paꞌpi tëꞌhuatopi. Oꞌcoriꞌ, pën, conaiꞌ, inapitanta quënanatonaꞌ, paꞌpi paꞌyanpi. Paꞌyanatona co nohuantopihuëꞌ yaꞌcaritacaisoꞌ.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.