Génesis 15:16 - Chayahuita (Shahui)

¹⁶ Catapini shinpita huënton, yaꞌhuërin piquëran, shiparinpita isëquë chachin huëntaponaꞌ. Amororoꞌsa co noyahuëꞌ nipisoꞌ, co aquëtë huarëꞌ nishátërarinhuëꞌ. Napoaton naporo tahuëriꞌsa huarëꞌ anaꞌintarahuë huachi.

Génesis 15:16 ပူးပေါင်းရင်းမြစ်များ

Génesis 10:16

Canaan shinpitanta isopita: Quiposoroꞌsaꞌ, amororoꞌsaꞌ, quiriquiroꞌsaꞌ, iporoꞌsaꞌ, arasiroꞌsaꞌ, siniroꞌsaꞌ, arapatiroꞌsaꞌ, simariroꞌsaꞌ, amatiroꞌsaꞌ, inapita. Ina piquëran Canaan huëntonoꞌsa niquë niquë yanquëëpi.

Génesis 15:13

Naporoꞌ Siniorori itapon: —Aꞌna tahuëri shiparinpita, nisharoꞌsataquë yacapataponaꞌ. Inaquë piyapitatonaꞌ, camaiyaponaꞌ. Aparisitaponaꞌ. Catapini pasa piꞌi inapoaponaꞌ.

Génesis 48:21

Ina quëran Cosi tahuërëtahuaton itapon: —Niꞌquëꞌ. Caso chiminapo huachi. Yosëso nipirinhuëꞌ, yaꞌhuëmiataton catahuarinquëmaꞌ. Inari chachin shimashonëma noꞌpanënquë quëpanantaponquëmaꞌ.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.

1 Reyes 21:26

Nisha nisha mamanshiroꞌsa mosharápaton, amororoꞌsa pochin niconin. Inapitasoꞌ Siniorori ocoirin. Israiroꞌsari yaꞌhuërëtacaiso marëꞌ napotërin.)

Salmos 105:43

Inapochin Yosëri piyapinënpita ocoihuachina, capa cancantatonaꞌ, “nonca, nonca,” charapi.

Éxodo 12:40

Israiroꞌsasoꞌ, catapini pasa cara shonca piꞌipi Iquipitoquë yaꞌhuëpi. Iquipitoquë yaꞌnan paꞌpiso tahuëri naniso chachin, inatopa quëran pipirapi. Sontaroꞌsa Yosëri camairinso pochin, pipipi huachi.

Deuteronomio 9:4

Sinioro nohuanton nani inapita aꞌpahuatamaꞌ: ‘Noya ninëhuaso marëꞌ Sinioro catahuarinpoa inapita aꞌpatëhuaꞌ, noꞌpanëna matërëhuaꞌ,’ ama tocosohuëꞌ. Co ina marëꞌ aꞌparinhuëꞌ. Paꞌpi co noyahuëꞌ nipi niꞌton, aꞌparin.

Deuteronomio 9:5

Tëhuënchachin co canpita noya ninamaso marëꞌ, inapita noꞌpanëna masaramahuëꞌ. Inapita co noyahuëꞌ nipiso marëꞌ, aꞌpararin. Naporahuaton, shimashonëmapita: Apraan, Isaco, Cacopo, inapita shaꞌhuitërinsoꞌ yonquiaton inapotarin.

1 Tesalonicenses 2:16

Nisha piyapiꞌsaꞌ chaꞌëcaiso marëꞌ yaaꞌchintopiraihuëꞌ, cotioroꞌsasoꞌ co nohuantopihuëꞌ. “Ama aꞌchintocosohuëꞌ,” taꞌtonaꞌ, noꞌhuirinacoi. Ina marëꞌ aquë aquëtëꞌ oshahuanpi. Napoaton Yosëri chiníquën noꞌhuirin. Noꞌtëquën anaꞌintarin huachi.