Génesis 15:14 - Chayahuita (Shahui)

¹⁴ Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Génesis 15:14 ပူးပေါင်းရင်းမြစ်များ

Génesis 48:21

Ina quëran Cosi tahuërëtahuaton itapon: —Niꞌquëꞌ. Caso chiminapo huachi. Yosëso nipirinhuëꞌ, yaꞌhuëmiataton catahuarinquëmaꞌ. Inari chachin shimashonëma noꞌpanënquë quëpanantaponquëmaꞌ.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.

Salmos 105:42

Piyapinën Apraan itopisoꞌ shaꞌhuitërinso yonquiaton, naporin.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Éxodo 3:10

Napoaton Iquipitoquë aꞌpaaranquën. Paaton huaraon nontoonquë piyapinëhuëpita aꞌpaꞌin paꞌinaꞌ, itërin.

Hechos 7:7

Nipirinhuëꞌ, nisha piyapiꞌsaꞌ shiparinpita aparisitopisoꞌ anaꞌintarahuë. Ina quëran shiparinpita pipirapi. Isëquë chachin huënantahuachinaꞌ, chinotarinaco,” itërin Yosëri.

Deuteronomio 4:20

Canpitasoꞌ, Sinioro Iquipito quëran ocoirahuatënquëma huaꞌanëntërinquëmaꞌ. Huaꞌnamia asoquicaso marëꞌ ornoquë aꞌpërahuatëꞌ, asoquirëꞌ. Inapochachin canpitanta Iquipitoquë parisitápiramahuëꞌ, ocoirinquëmaꞌ. Napoaton ina piyapinënpita ninama huachi.

Deuteronomio 6:22

Ocoincoiso marëꞌ nani maꞌsha ninin. Iquipito copirno piyapinënpitarë chachin anitotacaso marëꞌ paꞌpi huëhuëpiro nininsopita, maꞌsha aꞌnorinso niꞌnai.

Josué 24:17

Quiyasoꞌ, iquipitoroꞌsa chiníquën asacatatonacoi aparisitápirinacoihuëꞌ, ina quëran ocoirincoi. Shimashonëhuëipitanta ocoirin. Aꞌnaquëncoisoꞌ, niꞌtonëhuëiquë chachin paꞌpi huëhuëpiro nininsopita naꞌaro ninin. Huëcasocointaꞌ, nisha nisha piyapi nipisopita yaꞌhuëpiquë naꞌhuëtiirai. Tahuëri tashirë chachin aꞌpairincoi.

1 Samuel 12:8

Cacopo huiꞌninpita, shinpita, inapita iráca Iquipitoquë paꞌpi. Paꞌpachinara, iquipitoroꞌsari chiníquën aparisitopi. Inapotohuachinara shimashonënpoapitasoꞌ, Sinioro nontopi huachi. Inariso natanahuaton, Moisësë, Aaron, inapita acorin catahuacaiso marëꞌ. Inapitari Iquipito quëran ocoirahuatonaꞌ, shimashonënpoapitasoꞌ iso noꞌpaquë yaꞌhuëcaiso marëꞌ quëpi.