Génesis 14:5 - Chayahuita (Shahui)

⁵ Ina piꞌi huëantarinquë Quitaraomirosoꞌ, cara copirno catahuarinsopitarë chachin, huëantarin. Asotaroto Carnain parti huëꞌsahuatonaꞌ, nihuaimoroꞌsa canaipi. Ina quëran sosiroꞌsa yaꞌhuërëꞌ, An ninanoquë yaꞌhuëpisopita canaantapi. Imiroꞌsantaꞌ, Sapi-quiritain ninanoquë canaantapi.

Génesis 14:5 ပူးပေါင်းရင်းမြစ်များ

Génesis 14:4

Ina nápo copirnoroꞌsa chachin Quitaraomirori iráca canaton, shonca cato piꞌipi camairin. Napoaponahuëꞌ, ina piꞌi niantarinquë aꞌnatërápo copirnoroꞌsaso napopináchin yonquiatonaꞌ, Quitaraomiro yaahuëpi huachi.

2 Samuel 5:18

Huiristinoꞌsaso huëꞌsahuatonaꞌ, Nihuaimo motopiana itopisoꞌ huaꞌanëntiipi.

2 Samuel 5:22

Napotopirinahuëꞌ, huiristinoꞌsaso naquëranchin huëantapi. Huëꞌsahuatonaꞌ, Nihuaimo motopiana huaꞌanëntiantapi.

Salmos 105:23

Ina quëran Israironta inátohua paꞌmarin. Ina chachin Cacopo itopi antaꞌ. Paꞌmarahuaton nisharoꞌsa pochin Iquipitoquë yacapatërin. Iráca Noi huiꞌnin Camo itopisoꞌ noꞌpaꞌ maninquë yacapatërin.

Salmos 105:27

Iquipitoroꞌsa niꞌtonënaquë nisha nisha huëhuëpiro nininsopita aꞌnopi. Camo itopisoꞌ noꞌpaꞌ maninquë inapopi.

Deuteronomio 1:4

Coꞌhuara pënënchátëraponhuëꞌ, israiroꞌsaso amororoꞌsa canapi. Isipon ninanoquë Sicon copirno sontaronënpitarë chachin canapi. Asotaroto, Itërii, inapita ninanoroꞌsaquëntaꞌ, Oco copirno sontaronënpitarë chachin canapi. Inapitasoꞌ Pasan parti yaꞌhuëpi.