Génesis 14:20 - Chayahuita (Shahui)

²⁰ ¡Ma noyacha Yosëso chini chiníquën nanantërin paya! itahuaꞌ. Ina nohuanton, inimiconënpita minsëran,” itërin. Naporo Aprani inimicoroꞌsa maꞌsha matërinsoꞌ, shonca quëran aꞌnara Miriquiso quëtërin. Inasoꞌ, diesmo itopi.

Génesis 14:20 ပူးပေါင်းရင်းမြစ်များ

Génesis 14:21

Ina piquëran Sotoma copirnori, Apran itapon: —Piyapiꞌsaraꞌ quëtoco, yaꞌhuërëꞌ maꞌshasoꞌ, quëmari maquëꞌ, itërin.

Génesis 28:22

Iso naꞌpi onë pochin ahuanirahuësontaꞌ, quëma pëinën nisarin. Naporahuaton, yaꞌipi quëtëranco quëran, piꞌpian quëtáponquën. Shonca canahuato aꞌnara quëchinquën,” itërin.

Génesis 47:24

Napoaponahuëꞌ, shaꞌnamasoꞌ nanitohuachin, aꞌnatërápo costaro quëran aꞌna costarora huaraon quëtamaso yaꞌhuërin. Catapini costaroso nipirinhuëꞌ, canpitaora marëꞌ nisarin. Huiꞌnamapita, yacaparinquëmasopita, inapitanta capacaiso marëꞌ nisarin. Naporahuaton ina quëran chachin shacacamaso yaꞌhuërin, itërin.

Génesis 47:26

Inapoaton Cosi camaitërin yaꞌipi Iquipito noꞌpaquë piyapinënpita maꞌsona nicacaisoꞌ. Shaꞌtopiso nanitohuachina, aꞌnatërápo costaro quëran, aꞌnara huaraon quëtacaiso yaꞌhuërin. Iso quirica ninshitasoco huarëntaꞌ, ina camaitërinsoꞌ, ipora huanta Iquipitoquëso ina chachin nisapi. Corto huaꞌanoꞌsaso nipirinhuëꞌ, co huaraon marëꞌ quëtacaiso yaꞌhuërinhuëꞌ. Inapita noꞌpanënasoꞌ, co huaraoni paꞌantërinhuëꞌ niꞌton, co quëtopihuëꞌ.

Génesis 9:26

Ina quëran taantarin: “Siniorosoꞌ, Yosënëhuë. Inari Simo noya nicaton noya yaꞌhuëcaso marëꞌ catahuain. Canaansoꞌ, Simo piyapinën niin.

2 Samuel 18:28

Aimasë canquirahuaton copirno notënanquë isonin. Noya nicaton isonin quëran noꞌpaquë huarëꞌ monshomarin. Ina quëran nontaton itapon: —¡Ma noyacha Sinioroso paya! Inasoꞌ Yosë chinotëransoꞌ. Ina nohuanton yaocoirinënquënsopita quiyari minsërai, itërin.

Amós 4:4

Siniorori israiroꞌsa nocanananquë pënënaton itapon: “Pitiri, Quiricaro, inapita ninanoroꞌsaquë moshatamaso marëꞌ acoramaꞌ. Inaquëpita pacoꞌ. Co natëtomacohuëꞌ, naꞌcon naꞌcon oshahuancoꞌ. Chinotatomaco tëpamaso marëntaꞌ, tashíramiachin quëcoꞌ. Diesmo ca marëꞌ acoamaso yaꞌhuërinsontaꞌ, nani cara tahuëri quëran quëcoꞌ.

Malaquías 3:10

Nani maꞌsha yaꞌhuëtërinquëma quëran diesmo ocoirahuatomaꞌ, chinotëramacoso pëiquë quëcoꞌ. Inaquë maꞌsha tapatërinacosopita yaꞌhuërin niꞌton, quëcoꞌ. Inapohuatamaꞌ, corto huaꞌanoꞌsaꞌ, Nihuiroꞌsaꞌ, inapita cosharo yaꞌhuëtapi. Inta inapoatoma tënirico. Napohuatamaꞌ, noya noya catahuararanquëmaꞌ. Piꞌiroꞌtë huintananënpita iꞌsoatahuato, notohuaroꞌ maꞌsha noya nininsopita aꞌpatimatë pochin nitaranquëmaꞌ.

Malaquías 3:8

Naporama niꞌton, carimanta ayonquiꞌinquëmaꞌ: ‘¡Caso Yosëco niꞌto, co onporonta ihuamacoso yaꞌhuërinhuëꞌ! ¡Canpitaso napoaponahuëꞌ, ihuaramaco!’ Napoapomarahuëꞌ, ‘¿maꞌta onpoatoi ihuarainquënsoꞌ?’ itaantaramaco. ‘Diesmoroꞌsa co quëtatomacohuëꞌ, ihuaramaco. Maꞌpitaso quëtamacoso nininsontaꞌ, co quëtatomacohuëꞌ naporamaꞌ.

Lucas 18:12

Nani simana catoroꞌ ayonarahuë. Yaꞌipi canarahuë quëran, diesmo quëma marëꞌ acorahuë,’ itërin Yosë nontaton.

Romanos 15:16

Quisocristo chachin aꞌparinco nisha nisha piyapiꞌsaꞌ aꞌchintaꞌhuaso marëꞌ. Nanamën aꞌchintarahuë inapitantaꞌ imacaiso marëꞌ. Aꞌchinato, Yosë marëꞌ sacatarahuë. Nisha piyapiꞌsantaꞌ imapachinaꞌ, Ispirito Santori yaꞌcoancantarin. Noyápiachin cancan quëtarin. Ina marëꞌ Yosëri noya niꞌsarin.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

Deuteronomio 12:17

Trico, huino, tomaꞌ, inapita quëran diesmo ocoicoꞌ. Ohuacaꞌ, ohuica, inapitanta yaꞌnan huaꞌhuatopisoꞌ, inapotocoꞌ. Maꞌsona tëranta Sinioro quëtamasoꞌ shaꞌhuitohuatamaꞌ, ocoicoꞌ. Canpitaora nohuanton yaquëtëramasonta inapotocoꞌ. Inapita ocoiramasoꞌ, co yaꞌhuëramaquë capamaso yaꞌhuërinhuëꞌ.