Génesis 14:2 - Chayahuita (Shahui)

^2-3 Inapitasoꞌ, isopita aꞌnatërápo copirnoroꞌsarëꞌ, niinimicotatona niahuërápi: Pira, Pirsa, Sinapo, Simipiri, inapita itopisoarëꞌ niahuërápi. Pirasoꞌ, Sotoma ninano copirno. Pirsanta Comora ninano copirno. Sinaposo nipirinhuëꞌ, Atoma ninano copirno. Simipirinta Sipoin ninano copirno. Pira ninanoaꞌhua copirnontaꞌ, inapita catahuarin. (Pira ninanoaꞌhuasoꞌ, Soaro itopi antaꞌ.) Inapitarëꞌ, aꞌnatërápo copirnoroꞌsaꞌ, Sitin motopiana itopiquë, sontaronënapita yontonpi ahuëtacaiso marëꞌ. Inaso motopiana, Chimiriiꞌ marë parti quëparitërin.

Génesis 14:2 ပူးပေါင်းရင်းမြစ်များ

Génesis 10:19

Cananoꞌsa noꞌpaꞌ huaꞌanëntopisoꞌ, Quiraro parti huarëꞌ icanin. Siton ninano quëraontaꞌ, Casa ninanoquë huarëꞌ icanin. Naporahuaton, Sotoma, Comora, Atoma, Sipoin, inapita ninanoroꞌsataquëchin noꞌpaꞌ mapi. Nasa ninanoquë huarëꞌ noꞌpaꞌ huaꞌanëntopi.

Génesis 13:10

Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 13:12

Apransoꞌ, Canaan parti quëparitërin. Notosoꞌ, Cortaniiꞌ yonsan ninanoroꞌsa parti yaꞌhuëconin. Sotoma yaꞌcariya yaꞌhuëconin.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Deuteronomio 34:3

Niquipi partinta aꞌnotërin. Cortaniiꞌ motopiananta aꞌnotërin. Quirico quëran canonamatë, Soaro ninanoquë huarëꞌ paꞌmarinsonta aꞌnotërin. Quiricosoꞌ, “Palmeraroꞌsa ninanoꞌ,” itopi antaꞌ.

1 Samuel 13:18

Aꞌna huëntontaꞌ, Piti-oron ninanoquë paꞌnin. Yaꞌhuërëꞌ aꞌna huëntonsoꞌ, Sipoin motopiana quëran motopiaꞌhua pantarinquë paꞌnin. Inotëro parti ira paꞌninꞌpaꞌ inasoꞌ.