Génesis 14:17 - Chayahuita (Shahui)

¹⁷ Apransoꞌ Quitaraomiro canarin. Cara copirno catahuarinsopitarë chachin canarin. Inapita canarahuaton huënantarin. Huëntasoꞌ, Sotoma copirnori nacapirin. Sapi motopianaquë nacapirin. Inasoꞌ, “copirno motopiana,” itopi antaꞌ.

Génesis 14:17 ပူးပေါင်းရင်းမြစ်များ

Génesis 14:1

Naporoꞌ Misopotamia parti: Sinaro roꞌtëquë, Amarahuiro itopisoꞌ copirno nisarin. Irasaro roꞌtëquëntaꞌ, Arioco itopiso copirno nisarin. Iran roꞌtëquëso nipirinhuëꞌ, Quitaraomiro itopiso copirno nisarin. Coimo roꞌtëquëntaꞌ, Titaro itopiso copirno nisarin.

Génesis 14:10

Yaꞌipi Sitin motopianaquë, notohuaroꞌ toꞌni pochin nininsoꞌ posoroꞌsa yaꞌhuërin. Naporoꞌ quira nipachinara, Sotoma, Comora, inapita copirnoroꞌsaꞌ, piyapinënapitarë chachin taꞌapi. Taꞌapirinahuëꞌ, ina posoroꞌsaquë anotopi. Aꞌnapita cara copirnoroꞌsaso nipirinhuëꞌ, motopiroꞌsa taꞌatopi.

Génesis 14:5

Ina piꞌi huëantarinquë Quitaraomirosoꞌ, cara copirno catahuarinsopitarë chachin, huëantarin. Asotaroto Carnain parti huëꞌsahuatonaꞌ, nihuaimoroꞌsa canaipi. Ina quëran sosiroꞌsa yaꞌhuërëꞌ, An ninanoquë yaꞌhuëpisopita canaantapi. Imiroꞌsantaꞌ, Sapi-quiritain ninanoquë canaantapi.

2 Samuel 18:18

Inaso nanpipon, piyapinënpita camairin aꞌnara panca raꞌpi ahuanicaisoꞌ. Napotohuachina inapitasoꞌ, copirno motopiana itopiquë ahuanipi. Ahuanirahuatonaꞌ, ina nininënquë nohuitopi. Inasoꞌ, co huachi aꞌnaya tëranta huiꞌnin quëmapi yaꞌhuëtërinhuëꞌ yaꞌhuërëtacaso niꞌton: “Iso naꞌpi ahuanirahuë quëran, yonquiaponaco,” taꞌton naporin. Napoaton iso quirica ninshitasoco huarënta inachachin: “Apësaron naꞌpinën,” itapi.

Hebreos 7:1

Miriquisosoꞌ iráca yaꞌhuërin. Co cotio piyapihuëꞌ niponahuëꞌ, noya Yosë imarin. Sarimoquë yaꞌhuëpisopita huaꞌanëntërin. Naporahuaton, Yosë nohuanton, corto huaꞌan yaꞌconin. Piyapi marëꞌ Tata Yosë nontërin. Iráca Apraani nohuitërin. Inimico copirnoroꞌsaꞌ minsërahuaton, oꞌmantahuachina, Miriquisori nacapirin. Nacapirahuaton, Apraan noya nontërin. Ina quëran corto huaꞌan niꞌton, Yosë nontërin Apraan noya noya yaꞌhuëcaso marëꞌ.

1 Samuel 18:6

Tapi Coriato tëparinso piquëran, Israiro sontaroꞌsasoꞌ huënantapi. Inachintopiso niꞌton, yaꞌipi Israiro sanapiꞌsari Saono nacapipi. Yaꞌipi ninanoroꞌsa quëran huëꞌsahuatonaꞌ, nacapipi. Pantirita, arpa, inapita piꞌnirahuatonaꞌ, cantarëꞌnachin nansaariapi. Capa cancantatona naporiapi.