Génesis 14:16 - Chayahuita (Shahui)

¹⁶ Inapoatonaꞌ, yaꞌipi maꞌsha quëpapisoꞌ matopi. Notonta nichaꞌërahuatonaꞌ, yaꞌipi maꞌshanënpitanta quëpatopisoꞌ, mataantarin. Naporahuaton, naꞌa piyapiroꞌsa nichaꞌërin. Sanapiꞌsanta quëparapirinahuëꞌ, nichaꞌërin.

Génesis 14:16 ပူးပေါင်းရင်းမြစ်များ

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 14:14

Apranso apin quëpapiso natantahuaton, piyapinënpita natëtonoꞌsa nipiso huayonin. Inapitasoꞌ, pëinënquë chachin huaꞌhuatatona soꞌsopisoꞌ. Ayontonpachina, cara pasa shonca posa quëmapiꞌsa yaꞌipiya quëran icanpi. Inapitarëꞌ, Apran paꞌnin copirnoroꞌsa imacaso marëꞌ. Tano ninanoaꞌhuaquë huarëꞌ imarin.

Génesis 50:7

Huaraoni napotohuachina, Cosisoꞌ, paꞌpin paꞌpitacaso marëꞌ paꞌnin. Yaꞌipi copirno catahuapisopita huaꞌanoꞌsa paꞌpi. Iinpitantaꞌ, quëmopinënpitarë chachin paꞌpi. Cosin partisoꞌ, huaꞌhuaroꞌsaráchin pëꞌtahuaroꞌsa aꞌpaicaiso marëꞌ patopi.

Isaías 41:2

¡Ca nohuanton piꞌi pipirinso parti aꞌnara copirno yaꞌconapon! Inasoꞌ, yaꞌipi inimiconënpita minsëapon. Cari catahuarahuë niꞌton, nisha nisha nacionoꞌsa huaꞌanëntapon. Nisha nisha copirnoroꞌsa camaiapon. Sahuëninën, pëꞌchinanën, inapita quëran ahuëaton, trico toꞌnorahuatëra piꞌpitën paꞌsarëso pochin nitapon.