Génesis 14:15 - Chayahuita (Shahui)

¹⁵ Paꞌsahuatonaꞌ, inimicoroꞌsa quënanconpi. Yono tashi nisahuasoꞌ, yaꞌcopirahuatonaꞌ, ahuëpi. Copirnoroꞌsa canarahuatonaꞌ, imapi. Opa ninanoquë huarëꞌ imapi. Ina ninanosoꞌ, Tamasco ninano quëran norti parti quëparitërin.

Génesis 14:15 ပူးပေါင်းရင်းမြစ်များ

Génesis 15:2

Napotopirinhuëꞌ, Apranisoꞌ itapon: —Sinioro. Quëmaso Yosënquën. Panca acanamiatopirancohuëntaꞌ, co huiꞌnahuë yaꞌhuëtërincohuëꞌ niꞌton, topinan quëran nisarin. Co aꞌnaya tëranta huiꞌnahuë quëtërancohuë niꞌton, piyapinëhuë Irisëro itëraiso yaꞌhuërëtaponco. Inaso Tamasco piyapi nipirinhuëꞌ, chiminpato yaꞌhuërëtaponco, itërin.

Isaías 7:8

Siria copirno ninanonënsoꞌ, Tamasco itopi. Inaquë Nisin copirno huaꞌanëntërin. Israiro copirno ninanonëntaꞌ, Samaria itopi. Inaquë Nimariasë huiꞌnin huaꞌanëntërin. Napopirinhuëꞌ, saota shonca aꞌnatërápo piꞌipiya quëran israiroꞌsaso co huachi nacion nicaponahuëꞌ. Coꞌsoꞌ canpitantaꞌ, cancanëma quëran huarëꞌ natëhuatamacohuëꞌ, inapita pochachin nisaramaꞌ,” tënin Sinioro, itërin Isaiasëri.

Hechos 9:10

Ina ninanoquë chachin aꞌna quëmapi yaꞌhuërin, Quisoso imarinsoꞌ. Ananiasë itopi. Yosë nohuanton, co huëꞌëponahuëꞌ, huaꞌnarëso pochin niꞌnin. Nontërinsontaꞌ natanin. “Ananiasë, ¿yaꞌhuaran?” itërin Quisosori. “Yaꞌhuarahuë Sinioro,” itërin inarintaꞌ.

Hechos 9:2

“Quirica ninshitoco piyapi macaꞌhuaso marëꞌ. Tamascoquë quëparahuato, niyontonpiso pëiꞌ huaꞌanoꞌsaꞌ quëtarahuë. Inaquë nasha nanan imapisopita quënanpato, masarahuë. Quëmapiꞌsaꞌ tonporahuato, isëquë chachin quësarahuë. Sanapiꞌsaquë huarëꞌ masarahuë,” tënin Saono. Napohuachina, quirica ninshitahuaton, quëtërin.

Hechos 9:8

Saono huaniintarahuaton, niꞌtopirinhuëꞌ, co huachi quënantërinhuëꞌ. Napoaton aꞌnapitari sëꞌquërahuatonaꞌ, Tamascoquë quëpapi.

Jueces 7:16

Aꞌnaroáchin cara pasa sontaronënpita cara huënton acorin. Inapotahuaton carniro pomonoꞌsa quëtëraꞌpiarin. Yonsharoꞌsanta quëtërin. Inaanaquë yanatëtë iꞌchinpitopinan nani poꞌmopi.