Génesis 14:14 - Chayahuita (Shahui)

¹⁴ Apranso apin quëpapiso natantahuaton, piyapinënpita natëtonoꞌsa nipiso huayonin. Inapitasoꞌ, pëinënquë chachin huaꞌhuatatona soꞌsopisoꞌ. Ayontonpachina, cara pasa shonca posa quëmapiꞌsa yaꞌipiya quëran icanpi. Inapitarëꞌ, Apran paꞌnin copirnoroꞌsa imacaso marëꞌ. Tano ninanoaꞌhuaquë huarëꞌ imarin.

Génesis 14:14 ပူးပေါင်းရင်းမြစ်များ

Génesis 12:16

Sarai marëꞌ huaraonsoꞌ, Apran paꞌpi payarin. Nani maꞌsha topinan quëtërin. Ohuicaroꞌsaꞌ, ohuacaroꞌsaꞌ, camiyoroꞌsaꞌ, moraroꞌsaꞌ, inapita quëtërin. Naporahuaton piyapinënpita camaicaso marëꞌ quëmapiꞌsaꞌ, sanapiꞌsaꞌ, quëtërin.

Génesis 13:8

Napoaton aꞌna tahuëri Aprani Noto itapon: “Canposoꞌ, quëmopinpo ninëꞌ. Co canpo capini ninoꞌhuicaso yaꞌhuërinhuëꞌ. Co piyapinënpopitantaꞌ, ninoꞌhuicaiso yaꞌhuërinhuëꞌ.

Génesis 14:12

Sotomaquë, Apran apin Notontaꞌ, yaꞌhuërin niꞌton, inanta quëpapi. Yaꞌipi maꞌshanënpitarë chachin quëpapi.

Génesis 14:16

Inapoatonaꞌ, yaꞌipi maꞌsha quëpapisoꞌ matopi. Notonta nichaꞌërahuatonaꞌ, yaꞌipi maꞌshanënpitanta quëpatopisoꞌ, mataantarin. Naporahuaton, naꞌa piyapiroꞌsa nichaꞌërin. Sanapiꞌsanta quëparapirinahuëꞌ, nichaꞌërin.

Génesis 17:12

Ipora quëran huarëꞌ yaꞌipi quëmapinquëma ninamasopita, nasitërin quëran posa tahuëritapasoꞌ, marcanën acotocoꞌ. Huiꞌnamantaꞌ, inapotocoꞌ. Piyapinëma nisharoꞌsa paꞌantëramasonta inapotocoꞌ.

Génesis 17:23

Naporo tahuëri chachin Apraansoꞌ, huiꞌnin Ismairo itërinso marca acotërin. Piyapinënpita pëinënquë chachin nasitopisontaꞌ, inapotërin. Aꞌnapitanta coriquinën quëran paꞌaninsoꞌ, acotërin. Yaꞌipi quëmapiꞌsa Apraan pëinënquë yaꞌhuëpisopita, marca niacotopi huachi. Yosë camaitërinso chachin nipi.

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Génesis 23:6

—Natanquë sinioro shaꞌhuichinquën. Yosë huayoninquën niꞌton, quëmasoꞌ chiníquën nanantëran. Nipoꞌmoraisoꞌ noꞌpaꞌ insosona noya noya niꞌnanquë, saꞌancoꞌ poꞌmoquëꞌ. Co incoi tëranta apiratarainquënhuëꞌ, itopi.

Deuteronomio 34:1

Israiroꞌsa tonitahuaton, Moapo inotëro quëran Moisësësoꞌ, Nipo motopiroꞌsaquë pantacaso marëꞌ notërin. Pisca motopi huiꞌnimotënꞌpaꞌ pomosoontarin. Ina motopisoꞌ Quirico ninano notënanquë yaꞌhuërin. Ina quëran Siniorori yaꞌipi Carata noꞌpaꞌ aꞌnotërin. Tano israiroꞌsa huënton, noꞌpaꞌ macacasoꞌ nininquë huarëꞌ aꞌnotërin.

1 Juan 2:18

Co huaꞌquiya quëranhuëꞌ, apiaꞌhuaroꞌsaꞌ, Quisocristo oꞌmantararin. “Cristo yaoꞌmahuachin, inimiconën huëꞌsarin,” itërinënpoaꞌ. Nani natantëramaꞌ canpitantaꞌ. Iporasoꞌ naꞌa piyapiꞌsari Cristo yainimicotopi. Napoaton oꞌmantacasoꞌ tahuëri naniriarin, tënëhuaꞌ.