Génesis 14:13 - Chayahuita (Shahui)

¹³ Napoaponahuëꞌ, aꞌnara quira quëran chaꞌërahuaton, Apran shaꞌhuitapon paꞌnin. (Apransoꞌ, iprio piyapi itopi.) Naporoꞌ inasoꞌ, Mamiriri huaꞌanëntërinso insina nararoquë yaꞌhuërarin. Mamirisoꞌ, amoro piyapi. Iin mashonënpitasoꞌ: Aniri, Iscoro, inapita. Inapitasoꞌ Apran payatonaꞌ, catahuapi.

Génesis 14:13 ပူးပေါင်းရင်းမြစ်များ

Génesis 10:16

Canaan shinpitanta isopita: Quiposoroꞌsaꞌ, amororoꞌsaꞌ, quiriquiroꞌsaꞌ, iporoꞌsaꞌ, arasiroꞌsaꞌ, siniroꞌsaꞌ, arapatiroꞌsaꞌ, simariroꞌsaꞌ, amatiroꞌsaꞌ, inapita. Ina piquëran Canaan huëntonoꞌsa niquë niquë yanquëëpi.

Génesis 13:18

Ina natanahuaton, Apranso piyapinënpitarë chachin nëꞌmëtë pëiroꞌsa ótënpiso mapi. Masahuatonaꞌ, insina nararoquë paꞌpi. Inaquë paꞌsahuatonaꞌ, yaꞌhuëconpi huachi. Ina nararosoꞌ, Mamiri itopisoari huaꞌanëntërin. Ipron ninano yaꞌcariya inasoꞌ. Inaquë Apran Sinioro chinotacaso marëꞌ aꞌna artaro niantarin.

Génesis 14:24

Caso caora marëꞌ co manta nohuantërahuëꞌ. Piyapinëhuëpita caꞌpisoíchin tëhuënchinsoꞌ, nani matatë pochin nitëranquën. Naporahuaton, Aniri, Iscoro, Mamiri, inapitanta ahuëtaꞌhuasoꞌ, catahuarinaco. Inapita tëhuëchinsoꞌ maꞌsha mapisoꞌ, onpopionta macacaiso yaꞌhuërin, itërin.

Génesis 18:1

Insina nararoꞌ, Mamiriri huaꞌanëntërinquë Apraan yaꞌhuëarin. Inaquë nisoꞌ, Siniorori, yaꞌnotaantarin. Camotëchin pochin nisapasoꞌ yaꞌnotërin. Nëꞌmëtë pëinën yaꞌcoananënquë huënsasoꞌ, napoarin.

Génesis 21:24

Napotohuachina Apraan tapon: —Yoscoarëꞌ co maꞌsha onpotaranquëmahuëꞌ, itërin.

Génesis 21:27

Napotohuachina, naporo tahuëri cato chachin, noya ninitona yaꞌhuëcaiso marëꞌ anoyatopi. Yoscoarëꞌ taꞌtonaꞌ, anoyatopi. Ina quëran anoyatopiso yonquicaiso marëꞌ Apraani ohuicaroꞌsaꞌ, ohuacaroꞌsaꞌ, inapita manin. Masahuaton Apimirico quëtërin.

Génesis 21:32

Nani anoyatohuachina Apimiricosoꞌ, Huicororë chachin huiristinoꞌsa noꞌpanën parti paantapi.

Génesis 41:12

Inaquë chachin quiyaroꞌcoi aꞌnara iprio huiꞌnapi yaꞌhuëarin antaꞌ. Inasoꞌ ina capitani chachin, asacatacaso marëꞌ paꞌanin. Huaꞌnaraiso shaꞌhuitohuatëira, maꞌsona tapon naporinso noꞌtëquën shaꞌhuitërincoi. Shaꞌhuitërincoiso chachin caso naquëranchin asacataantaranco. Aꞌnaso nipirinhuëꞌ, noninquë ahuënquëconotahuaton atëpatëran,” itërin.

Génesis 43:32

Cosisoꞌ, aꞌna misaquë nisha oꞌhuintopi. Cacopo huiꞌninpitanta aꞌna misaquë nisha oꞌhuintopi. Iquipitoroꞌsanta Cosirëꞌ coshatopisoꞌ, aꞌna misaquë nisha oꞌhuintopi antaꞌ. Iquipitoroꞌsasoꞌ, iprioroꞌsarëꞌ coshatacaisoꞌ, naꞌin pochin niꞌpi. Napoaton nisha coshatopi.

Éxodo 2:11

Moisësëso copirno pëinënquë huiꞌnapitahuaton, mashotërin huachi. Aꞌna tahuëri aꞌnapita israiroꞌsa yonquiaton, paꞌnin nicapon. Nani naꞌa piꞌipi Iquipitoquë yaꞌhuëhuanoꞌsari chiníquën asacatopi niꞌton, parisitápi quënanconin. Aꞌnanaya niꞌpirinhuëꞌ, aꞌnara Israiro quëmapi quënanin. Co manta onpoyapirinhuëꞌ Iquipito quëmapiri ahuëaton, yatëpararin.

Éxodo 2:6

Iꞌsoatohuachina, quëmapiaꞌhuaya naꞌnëárin quënanin. Naꞌnërinsoꞌ natanahuaton, nosororin. Paꞌyataton tapon: “¡Isosoꞌ, Israiroaꞌhua!” tënin.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Jonás 1:9

—Caso iprio piyapico niꞌto, Sinioro chinotërahuë. Inaso Yosë, inápaquë huaꞌanëntërin. Inari chachin isoroꞌpaꞌ, marëꞌ, inapita acorin.

2 Corintios 11:22

“Quiyasoꞌ Iprio piyapicoi,” topachinara, cantaꞌ mini Iprioco. “Israiro piyapicoi,” topachinara, cantaꞌ inachachin ninahuë. “Apraansoꞌ shimashonëhuëi chachin,” topachinara, inasoꞌ shimashonëhuë cantaꞌ.

Filipenses 2:5

Noya ninicatomaꞌ, Quisocristo pochachin cancantocoꞌ.

1 Samuel 4:12

Aꞌnara Mincamin huënton sontarosoꞌ, ahuëtaponahuë aꞌpotahuaton Siroquë taꞌarin. Taꞌarëꞌnachin paꞌsahuaton naporo tahuëri chachin canconin. Aꞌmorinso osharahuaton, amocanquë nipashimototërin.