Génesis 13:7 - Chayahuita (Shahui)

⁷ Apran pëꞌtahuanën aꞌpaipisopita, Noto pëꞌtahuanën aꞌpaipisopitarëꞌ, pasto niapiratatona yáninoꞌhuipi. Naporosoꞌ, cananoꞌsaꞌ, huirisiroꞌsaꞌ, inapitanta inaquë chachin yaꞌhuërapi.

Génesis 13:7 ပူးပေါင်းရင်းမြစ်များ

Génesis 10:19

Cananoꞌsa noꞌpaꞌ huaꞌanëntopisoꞌ, Quiraro parti huarëꞌ icanin. Siton ninano quëraontaꞌ, Casa ninanoquë huarëꞌ icanin. Naporahuaton, Sotoma, Comora, Atoma, Sipoin, inapita ninanoroꞌsataquëchin noꞌpaꞌ mapi. Nasa ninanoquë huarëꞌ noꞌpaꞌ huaꞌanëntopi.

Génesis 21:25

Napoaponahuëꞌ, Apraani itaantapon: —Carinquëmasoꞌ, noya yonquirapiranquëmaꞌ. Quëma piyapinënpitaso nipirinhuëꞌ, aꞌnara poso ihuaraiso matërinacoi, itërin.

Génesis 26:20

Napoaponahuëꞌ, Quiraro motopianaquë, huiristinoꞌsa ohuicanëna aꞌpaipisopita, noꞌhuitopi. Isaco ohuicanënpita aꞌpaipisopitarëꞌ, ninoꞌhuitona niahuëpi: “¡Iso iꞌshasoꞌ, quiyaquën!” Niitatonaꞌ, niahuëpi. Napoaton Isacori, apoyatërin: “Niahuëyatopisoꞌ poso,” itërin.

Génesis 34:30

Simion, Nihui, inapita huënantahuachinara, paꞌpinari itapon: —Canpitaso napoatomaꞌ, sacai anoyataꞌhuaso nitëramaco. Cananoꞌsaꞌ, huirisëroꞌsa inapitasoꞌ, yaꞌhuëhuanoꞌsaꞌ. Naporamaso natantohuachinaꞌ, noꞌhuiponaco caso huachi. Nihuëntonahuatona ahuëaponaco. Caso co naꞌashahuëꞌ piyapinëhuëpita yaꞌhuëtërinco niꞌton, yaꞌipinpoa tiquiaponënpoaꞌ, itërin.

Éxodo 2:17

Napoaponahuëꞌ, aꞌnapita ohuica aꞌpainaꞌpiroꞌsanta canquipi. Inapitari nanoꞌsa noꞌhuitona aꞌparapi. Aꞌparapirinahuëꞌ, Moisësëri paꞌpoyarin. Inari chachin iꞌsha masahuaton, ohuicanënapita oꞌshitërin.

Proverbios 20:3

Co noyahuëꞌ yonquipisopitasoꞌ, aꞌnaroáchin nanan ocoipi. Insosona co napohuachinhuëꞌ, paꞌyatatona pincarotaponaꞌ.

Marcos 3:25

Quëmopinëna capinintaꞌ ninoꞌhuipi naporini, inapitantaꞌ yanquëꞌitonahuëꞌ.

1 Corintios 3:3

Co noyahuëꞌ yonquiramasopita co nanianchátëraramahuëꞌ. Canpita capini ninoyapatomaꞌ, ninoꞌhuiramaꞌ. ¿Onpoatontaꞌ canpitaora nohuantëramasoachin yonquiconamaꞌ? Nisha nisha yonquiatomaꞌ, co imapisopitahuë pochin cancantëramaꞌ.

Gálatas 5:20

Co noyahuëꞌ yonquihuachinara, mamanshi moshapi, pënotopi, co nanan anoyatopihuëꞌ, co napopianachin yonquipihuëꞌ. Aꞌpitatonaꞌ, aꞌnaroáchin noꞌhuitopi, nipinopi. Aꞌna huënton aꞌna huënton co noyahuëꞌ ninicatonaꞌ yaꞌhuëpi. Nisha nisha yonquiatonaꞌ, yaꞌhuëpi.

Colosenses 4:5

Co imarinsopitasohuëꞌ huëꞌpachinaꞌ, noya nontocoꞌ. Ama tapanatomahuëꞌ, noya aꞌchintocoꞌ. Onpopiontaꞌ noya nanan shaꞌhuitocoꞌ.

1 Tesalonicenses 4:12

Inapohuatamaꞌ, noya yaꞌhuaramaꞌ. Co imapisopitahuëntaꞌ noya niꞌsarinënquëmaꞌ. Napohuatamaꞌ, co mantaꞌ pahuantarinquëmahuëꞌ. Co topinan maꞌpatacasoꞌ yaꞌhuëaponhuëꞌ.

Tito 3:3

Iráca canpoantaꞌ co noyahuëꞌ cancantërëhuaꞌ. Coꞌhuara Yosë nanamën nitochatërarihuahuëꞌ, co yonquirëhuahuëꞌ. Co yanatërëhuahuëꞌ. Sopai nonpintërinpoaꞌ niꞌton, nisha nisha nicacasoꞌ nohuantërëhuaꞌ. Maꞌpitasona paꞌyatacasoáchin yonquirëhuaꞌ. Aꞌna piyapi maꞌshanënpita noyapatërëhuaꞌ. Ninoꞌhuitëhuaꞌ, co niquëꞌyarëhuahuëꞌ. Noꞌhuípiroꞌ ninëhuaꞌ. Inapoatëhuaꞌ, topinan quëran yaꞌhuërëhuaꞌ.

Santiago 3:16

Niapiratohuatëhuara, yaninoꞌhuirëhuaꞌ. Co aꞌnapita nohuantopisoꞌ yonquihuatëhuahuëꞌ, nisha nisha cancantarihuaꞌ. Inapohuatëhuaꞌ, paꞌpi co noyahuëꞌ nisarëhuaꞌ.

Santiago 4:1

¿Onpoatomataꞌ ninoꞌhuitomaꞌ, yaniahuëramaꞌ? tënahuë, yonquiato. Canpitaora cancanëma quëran nisha nisha maꞌsha nohuantëramaꞌ niꞌton, co noyahuëꞌ cancantëramaꞌ. Nipaꞌyatacasoáchin yonquiramaꞌ. Napoaton ninoꞌhuiramaꞌ.

1 Pedro 2:12

Co imapisopitahuëꞌ pinorinënquëmaꞌ. “Co noyahuëꞌ nipi,” topi. Ina nipirinhuëꞌ, noyasáchin nicoꞌ niꞌinënquëmaꞌ. Ina quëran aꞌna tahuëri Yosëri catahuarin niꞌton, noꞌtëquën yonquihuachinaꞌ, yonquiarinënquëmaꞌ. “Ma noyacha Yosëri catahuarin niꞌton, noya nipi paya,” tosapi.