Génesis 13:5 - Chayahuita (Shahui)

⁵ Notontaꞌ, apin pochachin paꞌpi maꞌhuan. Notohuaroꞌ ohuicaroꞌsaꞌ, ohuacaroꞌsaꞌ, inapita yaꞌhuëtërin. Piyapinënpitanta naꞌa yaꞌhuëtërin.

Génesis 13:5 ပူးပေါင်းရင်းမြစ်များ

Génesis 12:4

Apranso Yosëri shaꞌhuitërinso chachin, Aran ninano quëran pipirin. Canaan parti paacaiso marëꞌ pipirin. Canchisë shonca aꞌnatërápo piꞌipitaso napoarin. Saꞌinë chachin paꞌnin. Saꞌinsoꞌ, Sarai itopi. Apin Noto itopisontaꞌ, quëparin. Yaꞌipi maꞌshanënapitarë chachin paꞌpi. Piyapinënapitanta quëmapiꞌsaꞌ, sanapiꞌsa asacatacaiso marëꞌ Aranquë paꞌanpisoꞌ, quëpapi. Yaꞌipi quiquipi. Canaan parti canconpachinara, Apranso piyapinënpitarë chachin yaꞌipi ina noꞌpaꞌ paꞌtatonaꞌ, pëntontopi. Siquimo ninanoquë huarëꞌ canconpi. Inaquë panca insina nara yaꞌhuërin. Yaꞌhuëhuanoꞌsa mamanshinëna moshapiquë niꞌton: “Mori insina,” itopi. Ina parti naporo cananoꞌsa yaꞌhuëapi.

Génesis 13:6

Nipirinhuëꞌ, notohuaroꞌ pëꞌtahua yaꞌhuëtopi niꞌton, co huachi pasto nanirinhuë pëꞌtahuaroꞌsa capacaisoꞌ. Napoaton co huachi nanitopihuë cato chachin inaquëráchin yaꞌhuëcaisoꞌ.

Génesis 25:27

Catopiaꞌhuaroꞌsa noya soꞌsopi. Isaosoꞌ huiꞌnapitahuaton, maꞌsha yonicaso paꞌyatërin. Míso inantërin. Cacoposo nipirinhuëꞌ, co inaporinhuëꞌ. Yaꞌhuëpiquë paꞌyatërin yaꞌhuápasoꞌ.

Génesis 4:20

Ataso huaꞌhuanpachina, Caparo itopi. Caparo shinpitasoꞌ pëꞌtahuatonaꞌpiroꞌsaꞌ. Napoaton nëꞌmëtë pëiroꞌsaquë yaꞌhuëpi.