Génesis 13:13 - Chayahuita (Shahui)

¹³ Inaquësoꞌ, yaꞌhuëhuanoꞌsa paꞌpi co noyahuëꞌ nipi. Inapoatona oshahuanpi niꞌton, Yosëri noꞌhuípiro niꞌnin.

Génesis 13:13 ပူးပေါင်းရင်းမြစ်များ

Génesis 10:9

Nimorotoso Siniorori catahuarin niꞌton, paꞌpi míso inantërin. Napoaton piyapiꞌsa nonpachinara paꞌyatopi napocaisoꞌ: “Siniorori Nimoroto catahuarin niꞌton, míso inantërin. Inapochachin quëmanta catahuainquën,” topi.

Génesis 15:16

Catapini shinpita huënton, yaꞌhuërin piquëran, shiparinpita isëquë chachin huëntaponaꞌ. Amororoꞌsa co noyahuëꞌ nipisoꞌ, co aquëtë huarëꞌ nishátërarinhuëꞌ. Napoaton naporo tahuëriꞌsa huarëꞌ anaꞌintarahuë huachi.

Génesis 18:20

Napoaton, Siniorori itapon: —Sotomaquë, Comoraquë, inaquëpita yaꞌhuëpisopita, panca oshahuanpi. Inapoatona paꞌpi co noyahuëꞌ nahuinpi.

Génesis 19:13

Iso roꞌtë ataꞌhuantarai niꞌton, quëpaquëꞌ. Iso ninanoquë paꞌpi co noyahuëꞌ nipisoꞌ, naꞌa piyapiꞌsari Sinioroquë shaꞌhuirapipi. Napoaton, ataꞌhuantaꞌhuaiso marëꞌ aꞌparincoi, itopi.

Génesis 38:7

Acoantopirinhuëꞌ, Iri co noyahuëꞌ nininsoꞌ co Sinioro costarinhuë niꞌton, ina nohuanton chiminin.

Génesis 39:9

Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Génesis 6:11

Naporoꞌ yaꞌipi isoroꞌpaquë yaꞌhuëpisopita nitapicancanpi. Paꞌpi co noyahuëꞌ nicatonaꞌ, ahuëtacaisoráchin cancantopi. Napopiso Yosëri niꞌnin.

Isaías 1:9

Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Jeremías 23:14

Quirosarinquë pënëntonaꞌpiroꞌsa yaꞌhuërinsontaꞌ, napopisoꞌ niꞌnahuë. Paꞌpi co noyahuëꞌ nicatona saꞌina tëhuananpitopi, nonpinpi, napopi. Co noyahuëꞌ nipisopita achinicancanpi niꞌton, co insonta co noyahuëꞌ nininsoꞌ yaaꞌporinhuëꞌ. Ina pënëntonaꞌpiroꞌsaꞌ, yaꞌhuëhuanoꞌsaꞌ, inapitaso sotomaroꞌsaꞌ, comoraroꞌsaꞌ, inapita pochin niꞌnahuë.

Mateo 9:10

Naporoꞌ tahuëri ina pëinënquë Quisoso caꞌtanoꞌsanënpitarëꞌ coshatapatapi. Naꞌa piyapiꞌsaꞌ huëꞌpi Quisosorëꞌ coshatatonaꞌ nohuitacaiso marëꞌ. Aꞌnaquënsoꞌ copirno marëꞌ coriqui maꞌpatonaꞌpiroꞌsaꞌ. Aꞌnaquëontaꞌ oshahuanoꞌsaꞌ itopisoꞌ.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Juan 9:24

Ina quëran huiꞌnin amatantapi. —Yosë niꞌsarinquën niꞌquëhuarëꞌ, noꞌtëquën shaꞌhuitocoi. Quisososoꞌ co noyahuëꞌ niꞌton, oshahuanin, tënai, itopi.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

Romanos 1:27

Quëmapiꞌsantaꞌ co huachi saꞌinaꞌ nohuantopihuëꞌ. Quëmapi capini nisëꞌhuapi. Ina marëꞌ naꞌinpi niꞌton, Yosëri anaꞌintarin. Co noꞌtëquën yonquiatonaraihuëꞌ, nitapicancanpi. Nonënantaꞌ tapipi.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

2 Pedro 2:10

Aꞌnaquën co piꞌpisha tërantaꞌ Yosë yanatëpihuëꞌ. Inapitasoꞌ chini chiníquën anaꞌintarin. Co Yosë natëtonahuëꞌ, co noyahuëꞌ nicacaisoráchin yonquipi. Aꞌnaratipita taparoꞌ nisáponaraihuëꞌ, co ina marëꞌ tapanpihuëꞌ. “Caora noya nitotërahuë,” taꞌtonaꞌ, co inso tërantaꞌ yanatëpihuëꞌ. Chiníquën nanantopisopita Yosëri acorinsoꞌ co quënanpirinahuëꞌ, pinopi.

Judas 1:7

Iráca Sotomaquë yaꞌhuëpisopitantaꞌ paꞌpi co noyahuëꞌ yonquipi. Monshihuanacaisoáchin cancantopi. Aꞌnaratipita taparoꞌ nipi. Co ina pochin nicacasohuëꞌ nipirinhuëꞌ, napopi. Ina marëꞌ Yosëri chiníquën anaꞌintërin. Pën inápa quëran aꞌpaimarin ahuiquitacaso marëꞌ. Sotoma, Comora, inapita huiquitopi. Yaꞌcariya ninanoroꞌsantaꞌ huiquitopi. Ayonquiinpoaso marëꞌ ninshitërinpoaꞌ. Inapita yonquiatëhuaꞌ, “Aꞌna tahuëri oshahuanoꞌsaꞌ pënquë parisitomiatapi huachi,” tënëhuaꞌ.

1 Samuel 15:18

Amaricoroꞌsasoꞌ, co Yosë chinotatonaraihuëꞌ oshahuanpi. Inapita ataꞌhuantacaso marëꞌ Sinioro chachin camairinquën.

1 Samuel 2:17

Inapoatona ina huiꞌnapiꞌsasoꞌ, co Sinioro tëꞌhuatatonaraihuëꞌ panca oshahuanapi. Ina chinotacaiso marëꞌ maꞌsha tëpapisopita nocanatë pochin nitopi.