Génesis 13:10 - Chayahuita (Shahui)

¹⁰ Natanahuaton Notosoꞌ, motopiaꞌhua quëran, Cortaniiꞌ yonsan noyarotomarinso nocorin. Sohuaro ninanoaꞌhuaquë huarëꞌ notërinsoꞌ icanin. Inaquësoꞌ, notohuaroꞌ iꞌ yaꞌhuërin niꞌton, paꞌpi noyaroꞌpaꞌ ninin. Sinioro shaꞌtërinquë pochin niꞌton, Iquipito noꞌpaꞌ pochin ninin. (Ina pochin iráca ina noꞌpaꞌ nipirinhuëꞌ, coꞌhuara Siniorori Sotoma, Comora, inapita ninanoroꞌsa ataꞌhuanchátërasohuëꞌ, naporin.)

Génesis 13:10 ပူးပေါင်းရင်းမြစ်များ

Génesis 11:27

Shaꞌhuitëranquëmaso chachin Tari huiꞌninpitasoꞌ, isopita: Apran, Nacoro, Aran, inapita. Aran huiꞌninsoꞌ, Noto itopi. Aransoꞌ, Orë ninanoquë chiminin. Ina ninanosoꞌ, Cartia parti yaꞌhuërin. Coꞌhuara paꞌpin chiminyátërasohuëꞌ, chiminin. Huaꞌhuatërinso ninanoquë chachin naporin.

Génesis 13:11

Ina niꞌsahuaton, Notoso yaꞌipi ina noꞌpaꞌ huayonin. Inaso noꞌpaꞌ, piꞌi pipirinso parti yaꞌhuërin. Inapoatonaꞌ, Apran Notorëꞌ niaꞌpopi.

Génesis 13:9

Niquë niquë nipachin, yaꞌhuëaꞌa. Niꞌquëꞌ. Noꞌpaso panca yaꞌhuërin. Insëquësona yaꞌhuëcamaso marëꞌ nohuantëranquë, quëma huayonquëꞌ. Pëꞌnatë parti huayonpatan, caso pëtëtë parti paꞌsarahuë. Pëtëtë parti huayonpatan, caso pëꞌnatë parti paꞌsarahuë,” itërin.

Génesis 14:2

Inapitasoꞌ, isopita aꞌnatërápo copirnoroꞌsarëꞌ, niinimicotatona niahuërápi: Pira, Pirsa, Sinapo, Simipiri, inapita itopisoarëꞌ niahuërápi. Pirasoꞌ, Sotoma ninano copirno. Pirsanta Comora ninano copirno. Sinaposo nipirinhuëꞌ, Atoma ninano copirno. Simipirinta Sipoin ninano copirno. Pira ninanoaꞌhua copirnontaꞌ, inapita catahuarin. (Pira ninanoaꞌhuasoꞌ, Soaro itopi antaꞌ.) Inapitarëꞌ, aꞌnatërápo copirnoroꞌsaꞌ, Sitin motopiana itopiquë, sontaronënapita yontonpi ahuëtacaiso marëꞌ. Inaso motopiana, Chimiriiꞌ marë parti quëparitërin.

Génesis 14:8

Naporiatonaꞌ, Sitin motopianaquë canquipi huachi. Naporoꞌ Sotoma, Comora, Atoma, Sipoin, Pira, inapita ninanoroꞌsa copirnonënasoꞌ, inaquë paꞌmapi. Sontaronënapitarë chachin paꞌmapi. Inaquë inapita aꞌnatërápo copirnoroꞌsasoꞌ, Quitaraomiro, catahuarinsopita, inapitarëꞌ niahuëpi huachi.

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

Génesis 47:6

yaꞌipi Iquipito noꞌpaꞌ huaꞌanëntërahuëquë, noya inapita yaꞌhuëcaisoꞌ. Cosin parti noya noya noꞌpaꞌ ninin. Inaquë yaꞌhuëcaiso marëꞌ quëtëquëꞌ. Aꞌnaquën quëmopinënpita pëꞌtahuatacasoꞌ noyá nitotohuachinaꞌ, caquën pëꞌtahuanëhuëpita, aꞌpaicaiso marëꞌ acoquëꞌ, itërin.

Génesis 6:2

Yosë huiꞌninpitari ina nanoꞌsa niꞌsahuatonaꞌ, paꞌyatopi. Napoaton huayonatona huayonatonaꞌ, costapiso maraꞌpiapi.

Copo naporinso' 40:23

Iꞌ pamatohuachina co aso tëꞌhuatërinhuëꞌ. Panca paquiitahuaton nanamëntaquëchin icantopirinhuë tërantaꞌ, co manta tëninhuëꞌ.

Salmos 107:34

Noyaroꞌpanta nipirinhuëꞌ, ina nohuanton nitapirin. Yaꞌhuëhuanoꞌsa co noyahuëꞌ nipiso marëꞌ, anaꞌintaton inapotërin.

Joel 2:3

Ina sontaroꞌsasoꞌ, pën aꞌnaroáchin maꞌsha ahuiquitërinso pochin yaꞌipi quënanpisoꞌ pëꞌyarapi. Coꞌhuara naꞌhuëyátërasoihuëꞌ, nani maꞌsha huiquitërantarin. Nani naꞌhuëpi piquëraontaꞌ, pën co sanoarinhuëꞌ. Coꞌhuara inapita canquiátërasoihuëꞌ, isoroꞌpaso noyápiachin nararo pochin nipirinhuëꞌ. Inapita naꞌhuëhuachina, topinan iꞌhuananárin patapi. Co maꞌshari tëranta chaꞌëtaponhuëꞌ.

Deuteronomio 34:3

Niquipi partinta aꞌnotërin. Cortaniiꞌ motopiananta aꞌnotërin. Quirico quëran canonamatë, Soaro ninanoquë huarëꞌ paꞌmarinsonta aꞌnotërin. Quiricosoꞌ, “Palmeraroꞌsa ninanoꞌ,” itopi antaꞌ.