Génesis 12:4 - Chayahuita (Shahui)

^4-6 Apranso Yosëri shaꞌhuitërinso chachin, Aran ninano quëran pipirin. Canaan parti paacaiso marëꞌ pipirin. Canchisë shonca aꞌnatërápo piꞌipitaso napoarin. Saꞌinë chachin paꞌnin. Saꞌinsoꞌ, Sarai itopi. Apin Noto itopisontaꞌ, quëparin. Yaꞌipi maꞌshanënapitarë chachin paꞌpi. Piyapinënapitanta quëmapiꞌsaꞌ, sanapiꞌsa asacatacaiso marëꞌ Aranquë paꞌanpisoꞌ, quëpapi. Yaꞌipi quiquipi. Canaan parti canconpachinara, Apranso piyapinënpitarë chachin yaꞌipi ina noꞌpaꞌ paꞌtatonaꞌ, pëntontopi. Siquimo ninanoquë huarëꞌ canconpi. Inaquë panca insina nara yaꞌhuërin. Yaꞌhuëhuanoꞌsa mamanshinëna moshapiquë niꞌton: “Mori insina,” itopi. Ina parti naporo cananoꞌsa yaꞌhuëapi.

Génesis 12:4 ပူးပေါင်းရင်းမြစ်များ

Génesis 11:27

Shaꞌhuitëranquëmaso chachin Tari huiꞌninpitasoꞌ, isopita: Apran, Nacoro, Aran, inapita. Aran huiꞌninsoꞌ, Noto itopi. Aransoꞌ, Orë ninanoquë chiminin. Ina ninanosoꞌ, Cartia parti yaꞌhuërin. Coꞌhuara paꞌpin chiminyátërasohuëꞌ, chiminin. Huaꞌhuatërinso ninanoquë chachin naporin.

Génesis 11:31

Tarisoꞌ, Orë ninano quëran pipirin. Cartioroꞌsa yaꞌhuërin quëran pipirahuaton, Canaan parti chinoton, paꞌnin. Huiꞌnin Apran itopiso Sarairë chachin quëparin. Naporahuaton, shionta Noto itopiso quëparin. Paꞌsapirinahuëꞌ, Aran ninanoquë canconpachinara, inaquë quëparitonpi.

Génesis 13:5

Notontaꞌ, apin pochachin paꞌpi maꞌhuan. Notohuaroꞌ ohuicaroꞌsaꞌ, ohuacaroꞌsaꞌ, inapita yaꞌhuëtërin. Piyapinënpitanta naꞌa yaꞌhuëtërin.

Génesis 16:3

Naporo chachin Saraisoꞌ, Acara masahuaton, soꞌin acoantërin. Nani shonca piꞌipi Canaan parti yaꞌhuapona pochin, napoapi.

Génesis 25:7

Apraanso yaꞌipiya quëran, pasa canchisë shonca aꞌnatërápo piꞌi icanin.

Génesis 28:10

Cacopo Piirsipa quëran pipirahuaton, Aran ira paꞌtërin. Iꞌhuatohuachina, quëparitërin huëꞌëton pacacaso marëꞌ. Aꞌnara naꞌpi masahuaton, motoantacaso marëꞌ acorin. Ina motoantaton huëꞌërin.

Hechos 7:4

Natanahuaton, Apraan pipirin. Cartia parti quëran pipirahuaton, Aranquë paꞌnin. Inaquë yaꞌhuëantapirinhuëꞌ. Ina quëran paꞌpin chiminpachina, Yosë nohuanton, Canaan parti huëꞌnin. Yaꞌhuërëhuaquë chachin huëꞌnin.

Hebreos 11:8

Apraantaꞌ Yosëri itërin: “Yaꞌhuëran quëran pipimiatëquëꞌ. Aꞌna parti aꞌnochinquën. Ina noꞌpaꞌ quëchinquën yaꞌhuëcamaso marëꞌ,” itërin. Co noꞌpaꞌ nohuitaponahuëꞌ, Yosë natërin. “Co nonpintarincohuëꞌ,” taꞌton, paꞌnin.

Hebreos 6:15

Itohuachina, Apraani Yosë natërin. Huaꞌquiꞌ co huiꞌnin yaꞌhuëtopirinhuëꞌ, noya cancantaton, ninarárin. “Co Yosë nonpintërincohuëꞌ,” taꞌton, natërin. Napoaton napoin quëran huiꞌnin nasitërin.