Génesis 12:15 - Chayahuita (Shahui)

¹⁵ Iquipito copirnosoꞌ, “huaraon” itopi. Ina catahuapisopita huaꞌanoꞌsantaꞌ, Sarai niꞌpi. Niꞌsahuatonaꞌ, noyápiroyanchin nininso huaꞌanëna shaꞌhuitonpi. Natanahuaton huaraonsoꞌ: “Quëshico,” tënin. Napoaton Saraisoꞌ, ina pëinënquë quëpapi.

Génesis 12:15 ပူးပေါင်းရင်းမြစ်များ

Génesis 12:14

Iquipito noꞌpaquë Apran camahuachina, Iquipitoroꞌsaso Sarai niꞌsahuatonaꞌ, paꞌyatopi: “Ma noyápiroyanchincha paya,” topi.

Génesis 20:2

Apraanso inaquë yaꞌhuapon pochin, Sara saꞌin nipirinhuëꞌ: “Oshihuë,” toconin. Napoaton Quiraro copirno Apimirico itopisori yamanin. Camaitohuachina, macacaso marëꞌ Sara quëpatopi.

Génesis 26:7

Yaꞌhuëhuanoꞌsari Nipica niꞌsahuatonaꞌ, soꞌin natanpachinara: “Saꞌahuë,” taꞌcaso nipirinhuëꞌ, tëꞌhuaton nonpinin: “Oshihuë,” tënin. “Nipica noyápiroyanchin niꞌton, yaꞌhuëhuanoꞌsari macaponaꞌ. Yaꞌhuërëꞌ caso tëpaponaco,” taꞌton naporin.

Génesis 40:2

Napoaton copirnori inapita noꞌhuirin. Noꞌhuiton tashinan pëiquëtacaisoꞌ camaitërin. Napohuachina cato chachin inaquë poꞌmopi. Ina tashinan pëisoꞌ, copirno aꞌpairinsopita capitan pëinënquë yaꞌhuërin. Cosi yaꞌhuëarinquë chachin poꞌmopi.

Génesis 41:1

Oꞌshinaꞌpiroꞌsa huaꞌan, tashinan pëi quëran pipirinsoꞌ nani cato piꞌipitërin. Naporoꞌ huaraon chachionta huaꞌnarin. Niroiꞌ yonsanquë huaniarin nihuaꞌnarin.

1 Reyes 3:1

Saromon copirno Iquipito copirnorëꞌ, noya niniꞌtona yaꞌhuëcaiso marëꞌ anoyatopi. Anoyatopiso yonquicaiso marëꞌ Saromonsoꞌ, Iquipito copirno huiꞌnin manin. Masahuaton, iracaya Quirosarin itopiquë ichiyaꞌhuëcaso marëꞌ quëparin. Sacatoroꞌsari, pëinën, Yosë pëinën, ninano paira, inapita tënicai huarëꞌ inaquë ichiyaꞌhuërin.

2 Reyes 18:21

‘Iquipitoroꞌsa catahuaponacoi,’ tënama ipora. Napopiramahuëꞌ, iquipitoroꞌsaso piquiranan nopantë pochin niconpi. Piquiranan nopantëquë piquëëtohuatëra, pápi papitarinpoꞌ. Inapochin Iquipito copirnori yaꞌipi catahuacaiso marëꞌ chinotopisopita nitapon.

Salmos 105:4

Siniorosoꞌ chini chiníquën nanantërin niꞌton, inasáchin chinotahuaꞌ. Noya nicainpoaso marëꞌ chiníquën yonquiaꞌahuaꞌ.

Éxodo 2:15

Naporinso chachin huaraontaꞌ, Moisësëri Iquipito quëmapi tëparinsoꞌ nitotërin. Napoaton yonitona tëpacaiso marëꞌ piyapinënpita camairin. Moisësëso nipirinhuëꞌ, Matian parti taꞌarin. Inaquë canconahuaton, chinotacaso marëꞌ aꞌna poso pirayan huënsëconin.

Éxodo 2:5

Co huaꞌquiya quëranhuëꞌ huaraon huiꞌnin nanon nininsoꞌ, amapon paꞌsarin. Piyapinënpita sanapiꞌsa nipisopitarë chachin yonsan paꞌtasoiꞌ, otënahuan iꞌmësoꞌ shiꞌshinamatëroquë yanpoitarin quënanin. Ina niꞌsahuaton aꞌnara piyapinën macacaso camairin. Napotohuachina, quëshirin.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.