Génesis 12:14 - Chayahuita (Shahui)

¹⁴ Iquipito noꞌpaquë Apran camahuachina, Iquipitoroꞌsaso Sarai niꞌsahuatonaꞌ, paꞌyatopi: “Ma noyápiroyanchincha paya,” topi.

Génesis 12:14 ပူးပေါင်းရင်းမြစ်များ

Génesis 12:13

Napoaton ama quëma naꞌin quëran tëpainacoso marëhuëꞌ: ‘Isoso yoꞌyohuë,’ tëquëꞌ, topirahuë,” itërin.

Génesis 12:15

Iquipito copirnosoꞌ, “huaraon” itopi. Ina catahuapisopita huaꞌanoꞌsantaꞌ, Sarai niꞌpi. Niꞌsahuatonaꞌ, noyápiroyanchin nininso huaꞌanëna shaꞌhuitonpi. Natanahuaton huaraonsoꞌ: “Quëshico,” tënin. Napoaton Saraisoꞌ, ina pëinënquë quëpapi.

Génesis 29:17

Niasoꞌ, noyápiachin yaꞌpirahuanin. Naquiraso nipirinhuëꞌ, noyápiroyanchin, co máquën tëranta tëhuërinhuëꞌ.

Génesis 3:6

Ina natanaton, sanapiso nara nitërinso niꞌsárin: Noyápiachin nicaton caꞌchináchin cancantërin. “Ina caꞌpato, yaꞌipi nitotarahuë huachi,” tënin. Napoyan quëran, sëꞌpashorahuaton caꞌnin. Soꞌionta quëtohuachina, inanta caꞌnin.

Génesis 39:7

Napoaton co huaꞌquiya quëranhuëꞌ, huaꞌanën saꞌini niꞌsárin quëran noyarin huachi. Aꞌna tahuëri itapon: —Huëquë paꞌa quëmasoꞌ inapoquëꞌ, itërin.

Génesis 6:2

Yosë huiꞌninpitari ina nanoꞌsa niꞌsahuatonaꞌ, paꞌyatopi. Napoaton huayonatona huayonatonaꞌ, costapiso maraꞌpiapi.

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.