Génesis 12:1 - Chayahuita (Shahui)

¹ Aꞌna tahuëri Siniorori Apran itapon: “Yaꞌhuëran quëran pipimiatëquëꞌ. Quëmopinënpita, tataparin yaꞌhuërinso noꞌpaꞌ, inapita patëquëꞌ. Aꞌna noꞌpaꞌ carinquën aꞌnotaranquën. Inaquë yaꞌhuëconquë huachi.

Génesis 12:1 ပူးပေါင်းရင်းမြစ်များ

Génesis 15:7

Napoaton itapon: —Caso Sinioroco. Orë ninano quëran ocoiranquën. Inaquëso cartiaroꞌsa yaꞌhuërin. Iso noꞌpaꞌ quëtaranquën huaꞌanëntomiatacaso marëꞌ, itërin.

Génesis 20:13

Yosë chachin, tatahuë yaꞌhuërin quëran pipicasoꞌ camaihuachincora, saꞌahuë shaꞌhuitërahuë: “Insëquë tëranta paꞌnëhuaquë: ‘Inaso yoꞌyo masho,’ tëquë taꞌa, itërahuë,” tënin Apraan.

Génesis 24:38

Tatahuëi quëran quëmopi ninaisopita yaꞌhuëpiso parti tëhuënchinsoꞌ paquëꞌ. Inaquë paꞌsahuaton, huëntonëhuë quëran chachin sanapi huiꞌnahuë marëꞌ matomaquëꞌ,” itërinco.

Génesis 24:4

Quëma chachin huaꞌhuatërahuëso noꞌpaquë paquëꞌ. Inaquë paꞌsahuaton, quëmopinëhuëpita quëran sanapi yonítëquëꞌ, itërin.

Génesis 24:7

Siniorosoꞌ Yosë niꞌton, inápaquë huaꞌanëntërin. Nani ina shaꞌhuitërinco iso noꞌpaꞌ shihuëpitari huaꞌnëntacasoꞌ. Iráca tatahuë yaꞌhuërin noꞌpa quëran ocoirinco. Quëmopinëhuëpita yaꞌhuërin parti quëran ocoirinco huachi. Ocoirahuatonco isëquë quëninco. Inari chachin anquëninën aꞌpararin catahuainquënso marëꞌ. Ina nohuanton, sanapi nohuantarin isëquë huëcacasoꞌ.

Génesis 26:2

Inaquë Siniorori yaꞌnotahuaton, itërin: “Ama Iquipitoquë paꞌmaquësohuëꞌ. Insëquësona quëparitacasoꞌ, carinquën shaꞌhuitaranquën.

Nehemías 9:7

Quëmasoꞌ Sinioro, Yosënquën. Apran huayonahuaton, Orë ninano quëran ocoiran. Inaquëso cartioroꞌsa yaꞌhuëpi. Ina chachin nininën canpiataton, Apraan itëran.

Isaías 41:9

Noꞌpaꞌ nanirinso parti quëran pochin ocoiranquëmaꞌ. Paꞌpi áquë yaꞌhuëapiramahuëꞌ, acoranquëma piyapinëhuëpita nicacamaso marëꞌ. Carinquëma huayonanquëma niꞌton, co aꞌporanquëmahuëꞌ.

Ezequiel 33:24

“Israiroꞌsa ninanonënapita inimiconënapitari ataꞌhuantërin. Inaquë quëparitopisopitaso napopi: ‘Apraansoꞌ inaoraíchin niponahuëꞌ, yaꞌipi iso noꞌpaꞌ huaꞌanëntërin. Aquëtë huarëꞌ canpoasoꞌ, naꞌaquënpoa nichinapon chachin iso noꞌpaꞌ huaꞌanëntarihuaꞌ,’ toconpi.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.

Hebreos 11:8

Apraantaꞌ Yosëri itërin: “Yaꞌhuëran quëran pipimiatëquëꞌ. Aꞌna parti aꞌnochinquën. Ina noꞌpaꞌ quëchinquën yaꞌhuëcamaso marëꞌ,” itërin. Co noꞌpaꞌ nohuitaponahuëꞌ, Yosë natërin. “Co nonpintarincohuëꞌ,” taꞌton, paꞌnin.

Apocalipsis 18:4

Ina topachina, inápa quëran aꞌnari itërin: —Yaꞌipi imaramasopita pënënaranquëmaꞌ, natanco. Niꞌcona papironiaroꞌsaꞌ anishacancantochinënquëmaꞌ. Ina quëran pipiramaso pochin nicatomaꞌ, ama inapita pochin cancantocosohuëꞌ. Co noyahuëꞌ nipatamaꞌ, Yosë anaꞌintarinquëmaꞌ canpitantaꞌ.