Génesis 11:32 - Chayahuita (Shahui)

³² Inaquë yaꞌhuëasoiꞌ, Tariso chiminin. Cato pasa aꞌnatërápo piꞌipitaso chiminin huachi.

Génesis 11:32 ပူးပေါင်းရင်းမြစ်များ

Génesis 11:31

Tarisoꞌ, Orë ninano quëran pipirin. Cartioroꞌsa yaꞌhuërin quëran pipirahuaton, Canaan parti chinoton, paꞌnin. Huiꞌnin Apran itopiso Sarairë chachin quëparin. Naporahuaton, shionta Noto itopiso quëparin. Paꞌsapirinahuëꞌ, Aran ninanoquë canconpachinara, inaquë quëparitonpi.

Génesis 12:1

Aꞌna tahuëri Siniorori Apran itapon: “Yaꞌhuëran quëran pipimiatëquëꞌ. Quëmopinënpita, tataparin yaꞌhuërinso noꞌpaꞌ, inapita patëquëꞌ. Aꞌna noꞌpaꞌ carinquën aꞌnotaranquën. Inaquë yaꞌhuëconquë huachi.

Génesis 24:10

Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

2 Reyes 19:12

Iráca shimashonëhuëpitanta copirno yaꞌconpi. Inapitanta naꞌa ninanoroꞌsa ataꞌhuantopi. Inapitasoꞌ nisha nisha yosëroꞌsa moshapirinahuëꞌ, co inapitari nichaꞌërinhuëꞌ: Cosan ninanoꞌ, Aran, Nisihui, Tirasaro, inapita ninanoroꞌsa ataꞌhuantopi. (Tirasaroquësoꞌ, Piti-itin parti quëran huëcatona inaquë yaꞌhuëpirinahuëꞌ, ataꞌhuantopi.)

Copo naporinso' 42:16

Parisitaponahuëꞌ noyataantarinso piquëran Coposoꞌ, pasa catapini shonca piꞌipi aquëtë yaꞌhuëantarin. Ina nápo tahuëri nicaton, huiꞌninpita, shinpita, inapita niꞌnin. Shinpitanta huiꞌnahuanpisoꞌ, huiꞌnina yaꞌhuëtai huarëꞌ tahuëri niꞌnin.