Génesis 11:29 - Chayahuita (Shahui)

²⁹ Apransoꞌ, Sarai manin. Nacorontaꞌ, Mirica manin. Miricasoꞌ, Aran huiꞌnin. Inasoꞌ, aꞌnara caipayain yaꞌhuëtërin, Isca itopisoꞌ.

Génesis 11:29 ပူးပေါင်းရင်းမြစ်များ

Génesis 17:15

Naporo chachin, Yosëri Apraan itaantarin: —Saꞌaontaꞌ Sarai itopiramahuëꞌ, co huachi inapochin nohuitaramahuëꞌ. Ipora quëran huarëꞌ Sara itapomaꞌ.

Génesis 20:12

Naporahuaton Sarasoꞌ, oshihuë antaꞌ. Ina tataquëranchin nipiraihuëꞌ, mamahuëi quëransoꞌ, nisha ninai. Napoaton cari manahuë.

Génesis 22:20

Huaꞌquimiachin yaꞌhuapona pochin, Apraanso natantërin. “Miricantaꞌ, Nacoro saꞌin nininsoꞌ, Sara pochachin huaꞌhuanin antaꞌ,” itopi.

Génesis 22:23

Ina Pitoiro mini, Nipica paꞌpin. Nacorosoꞌ, Apraan iyaꞌhuain. Yaꞌipiya quëran Miricasoꞌ, posa huaꞌhuinpita yaꞌhuëtërin. Ina nápo Nacorosoꞌ, saꞌinquë chachin huiꞌnahuanin.

Génesis 24:10

Itahuaton, tapatarin huachi. Huaꞌanën maꞌshanënpita, paꞌton paꞌton nininsopita, huayonahuaton, nicanatacaso marëꞌ tapararin. Shonca camiyoquë apëꞌpëtahuatonaꞌ, Nacoro ninano itopiquë, paꞌpi huachi. Inaso ninanoꞌ, Misopotamia parti yaꞌhuërin.

Génesis 24:15

Orarinsoꞌ co tiquiyátërasohuëꞌ, aꞌnara nanon yonsha pitënahuaton, huëꞌsarin niꞌnin. Inaso nanon, Pitoiro huiꞌnin. Nipica itopi. (Pitoirosoꞌ, shaꞌhuirahuëso chachin Nacoro huiꞌnin. Miricaquë huiꞌnahuaninsoꞌ. Nacoronta Apraan iyaꞌhuain.)