Génesis 11:1 - Chayahuita (Shahui)

¹ Pacon piquëran notohuaroꞌ piyapiꞌsa naꞌantapi. Naporoꞌ yaꞌipiya aꞌna nananquësáchin nonpi.

Génesis 11:1 ပူးပေါင်းရင်းမြစ်များ

Génesis 10:32

Ina nápo Noi huiꞌninpita quëran pipipi. Nisha nisha huënton nipisopita. Nisha nisha shimashonëna quëran pipitonaꞌ, nisha nisha parti noꞌpaꞌ huaꞌanëntopi. Pacon paꞌninso piquëran itohua itohua yanquëpi. Yanquërahuatonaꞌ, nisha nisha nacionoꞌsa isoroꞌpaquë yaꞌhuërinso ocoipi.

Génesis 11:2

Piꞌi pipirinso parti quëran pipirahuatonaꞌ, Sinaro parti canquipi. Inaso noꞌpaꞌ, noyápiroꞌtëchin niꞌton, inaquë yaꞌhuëcaiso marëꞌ quëparitopi.

Génesis 11:6

Niꞌquimarahuaton, yonquirin: “Isopitaso inaquësáchin yaꞌhuatonaꞌ, ina nananquësáchin nonpi niꞌton, nani caniaritopi sacatacaisoꞌ. Poꞌpachinara, co incari tëranta nanitarinhuë atananpitacasoꞌ.

Hechos 2:6

Quisoso imapisopita nisha nisha nananquë nonsapisoꞌ natanpi. Natanahuatonaꞌ, notohuaroꞌ piyapi niyontonpi. Aꞌnaya aꞌnaya inahuara nananquë nonpisoꞌ natanahuatonaꞌ, paꞌyanpi.