Génesis 10:6 - Chayahuita (Shahui)

⁶ Camo huiꞌninpitanta isopita: Coso, Misiraimo, Oto, Canaan, inapita.

Génesis 10:6 ပူးပေါင်းရင်းမြစ်များ

Génesis 10:5

Ina nápo Cahuito huiꞌninpita, shinpita inapita yaꞌhuëpi. Inapitasoꞌ, marë yonsanoꞌsa parti, yaꞌhuëpi. Inatohua ninanoroꞌsa ocoirahuatonaꞌ, aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Génesis 2:13

Ina quëran niantarinsontaꞌ, Quiconiiꞌ itopi. Inasoꞌ, yaꞌipi Coso parti paꞌtërin.

Génesis 5:32

Noisoꞌ, aꞌnatërápo pasa piꞌipitaquë huarëꞌ huiꞌnin paninantërinso nasitërin. Ina quëran cato huiꞌninpita yaꞌhuëtaantarin. Huiꞌninpitasoꞌ: Simo, Camo, Cahuito, inapita itopi.

Génesis 9:18

Noi huiꞌninpita nancha quëran pipipisopita, iso nápo yaꞌhuëpi: Simo, Camo, Cahuito, inapita. Camosoꞌ, aꞌnara huiꞌnin yaꞌhuëtërin. Inasoꞌ, Canaan itopi.

Génesis 9:22

Camosoꞌ, inaquë yaꞌconahuaton niꞌpirinhuëꞌ, paꞌpin noꞌpiton huëꞌësárin quënanconin. Quënanahuaton iinpita shaꞌhuitapon paꞌnin: “Tata noꞌpiton iꞌnanpirashitë quëhuëánin niꞌconahuë,” itërin. (Nani shaꞌhuirahuëso chachin Camosoꞌ, Canaan paꞌpin.)

Salmos 105:23

Ina quëran Israironta inátohua paꞌmarin. Ina chachin Cacopo itopi antaꞌ. Paꞌmarahuaton nisharoꞌsa pochin Iquipitoquë yacapatërin. Iráca Noi huiꞌnin Camo itopisoꞌ noꞌpaꞌ maninquë yacapatërin.

Salmos 105:27

Iquipitoroꞌsa niꞌtonënaquë nisha nisha huëhuëpiro nininsopita aꞌnopi. Camo itopisoꞌ noꞌpaꞌ maninquë inapopi.