Génesis 10:32 - Chayahuita (Shahui)

³² Ina nápo Noi huiꞌninpita quëran pipipi. Nisha nisha huënton nipisopita. Nisha nisha shimashonëna quëran pipitonaꞌ, nisha nisha parti noꞌpaꞌ huaꞌanëntopi. Pacon paꞌninso piquëran itohua itohua yanquëpi. Yanquërahuatonaꞌ, nisha nisha nacionoꞌsa isoroꞌpaquë yaꞌhuërinso ocoipi.

Génesis 10:32 ပူးပေါင်းရင်းမြစ်များ

Génesis 10:1

Iporasoꞌ, Simo, Camo, Cahuito, inapita shinpita napopiso shaꞌhuichinquëmaꞌ. Pacon paꞌninso piquëran huiꞌnahuanatona naꞌantapisoꞌ, shaꞌhuichinquëmaꞌ. Simo, Camo, Cahuito, inapitaso nani shaꞌhuirahuëso chachin, Noi huiꞌninpita.

Génesis 10:20

Ina nápo Camo huiꞌninpita, shinpita inapita yaꞌhuëpi. Aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Génesis 10:25

Ina quëran Ipirinta cato huiꞌninpita yaꞌhuëtërin: Aꞌnasoꞌ, Piriqui itopi. Naporo tahuëriꞌsa piyapiꞌsa itohua itohua yanquëëpi niꞌton, ina pochin ninihuanin. Iyaꞌhuainta Cotano itopi.

Génesis 10:31

Ina nápo Simo huiꞌninpita, shinpita, inapita yaꞌhuëpi. Aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Génesis 10:5

Ina nápo Cahuito huiꞌninpita, shinpita inapita yaꞌhuëpi. Inapitasoꞌ, marë yonsanoꞌsa parti, yaꞌhuëpi. Inatohua ninanoroꞌsa ocoirahuatonaꞌ, aꞌnaya aꞌnaya nacionënaquë, aꞌna huënton aꞌna huënton, nisha nisha yaꞌhuëpi. Inahuara noꞌpanënaquë yaꞌhuëpi. Naporahuatonaꞌ, inahuara nonpiso nananquë nonatonaꞌ, yaꞌhuëpi.

Génesis 11:1

Pacon piquëran notohuaroꞌ piyapiꞌsa naꞌantapi. Naporoꞌ yaꞌipiya aꞌna nananquësáchin nonpi.

Génesis 9:1

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Génesis 9:19

Caramiáchin Noi huiꞌninpita nipirinahuëꞌ, inayaquëranchin isoroꞌpaquë piyapiꞌsa naꞌantapi.

Génesis 9:7

¡Napoaponahuëꞌ, canpitaso naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ!” itërin.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.