Génesis 1:9 - Chayahuita (Shahui)

⁹ Ina quëran Yosë taantarin: “¡Yaniroꞌpaꞌ yaꞌnocaso marëꞌ piꞌiroꞌtëanaquë iꞌ yaꞌhuërinsoꞌ, inaquëráchin niyontoꞌin!” tënin. Topachina, inachachin yaꞌhuërin huachi.

Génesis 1:9 ပူးပေါင်းရင်းမြစ်များ

Génesis 1:8

Nani acohuachina, inápaquë yaꞌhuërinsosoꞌ: “Piꞌiroꞌtëꞌ,” itërin. Tashiantarahuaton tahuëriantahuachina, iꞌhuaraya huarëꞌ cato tahuëri nanirin huachi.

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Salmos 33:7

Marënta pancaiꞌ nipirinhuëꞌ, yontonahuatë taparëso pochin itohua itohua acorin.

Salmos 95:5

Marënta inari acoaton huaꞌanëntërin. Yaniroꞌpanta imirin quëran chachin ninin.

Jonás 1:9

—Caso iprio piyapico niꞌto, Sinioro chinotërahuë. Inaso Yosë, inápaquë huaꞌanëntërin. Inari chachin isoroꞌpaꞌ, marëꞌ, inapita acorin.

2 Pedro 3:5

Co yanatëtonaraihuëꞌ, co yonquiapihuëꞌ. Iráca co mantaꞌ yaꞌhuëpirinhuëꞌ. Ina quëran Yosë nonaton, isoroꞌpaꞌ acorin. Inápaquë yaꞌhuërinsopitantaꞌ acorin. Isoroꞌpasoꞌ iisáchin nipirinhuëꞌ, ina nohuanton, yaniroꞌ yaꞌnorin.

Apocalipsis 10:6

“Yosë niꞌsárinco niꞌton, co nonpinahuëꞌ. Inasoꞌ iráca quëran huarëꞌ yaꞌhuaton, co onporontaꞌ ayaponhuëꞌ. Isoroꞌpaꞌ, marë, piꞌiroꞌtëꞌ, yaꞌipi yaꞌhuërinsopita inari ninin. Tëhuënchachin co huachi huaꞌqui quëranhuëꞌ anaꞌintomiatarin.