Génesis 1:6 - Chayahuita (Shahui)

⁶ Ina quëran Yosë taantarin: “¡Niquë niquë iꞌ yaꞌhuëcaso marëꞌ yaꞌcopinamën yaꞌhuëꞌin!” tënin. Topachina, inachachin yaꞌhuërin huachi.

Génesis 1:6 ပူးပေါင်းရင်းမြစ်များ

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 1:20

Ina quëran Yosë taantarin: “¡Nisha nisha maꞌsharoꞌsa iꞌquë yaꞌhuëcaiso marëꞌ yaꞌhuëꞌin! Nisha nisha samiroꞌsanta yaꞌhuëꞌin. ¡Naporahuaton, nisha nisha inairaroꞌsa yanponacaiso marëꞌ yaꞌhuëꞌin!” tënin. Topachina, inachachin yaꞌhuërin huachi.

Salmos 104:2

Quëmasoꞌ noyasáchin nicaton, tahuëri pochin cancantëran. Nëꞌmëtëquë paꞌshintërëso pochin piꞌiroꞌtënta acoran.

Salmos 148:4

Ina inápa piꞌiroꞌtë nininsontaꞌ, ina chinochin. Piꞌiroꞌtë aipi iꞌ yaꞌhuërinsontaꞌ, ina paꞌyachin.

Salmos 150:1

¡Ma noyacha Sinioroso paya! Siniorosoꞌ pëinënquë yaꞌhuëarin. Niyontonahuatëhuaꞌ, inaquë chinotahuaꞌ. Piꞌiroꞌtëquë acorinsopita nicatëhuaꞌ, chiníquën nanantërinsoꞌ yonquiaꞌahuaꞌ.

Salmos 19:1

Piꞌiroꞌtë nëꞌpëhuatëhuara, nani maꞌsha Yosëri acorinsopita niꞌnëhuaꞌ. Inapita yaꞌhuërin niꞌton, Yosë noya noya nininsoꞌ anitotërinpoaꞌ.

Salmos 19:2

Tahuërinta tahuëri capini, tashinta tashi capini nishaꞌhuitopiso pochin nicatonaꞌ, Yosë noya noya nininsoꞌ anitotërinpoaꞌ.

Salmos 33:6

Sinioro camaitohuachina, piꞌiroꞌtë yaꞌnorin. Inaquë yaꞌhuërinsopitantaꞌ, nonin quëran chachin acorin.

Salmos 33:9

Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.

Eclesiastés 11:3

Oꞌnanchináchin chitoro yaꞌnohuachina, isoroꞌpaquë oꞌnanapon. Nara mashonta inpanaton norti partihuë nipon, sor partihuë nipon notëtohuachin, inaquëran chachin quëparitapon.

Isaías 40:22

Yosësoꞌ, piꞌiroꞌtë tahuirinso aipi huaꞌanëntarin. Inatohua quëran canpoasoꞌ sëquërë pochin niꞌninpoaꞌ. Naꞌicaso marëꞌ nëꞌmëtë ótënëso pochin piꞌiroꞌtënta ótënin. Nëꞌmëtë pëi ótënatë pochin nitërin.

2 Pedro 3:5

Co yanatëtonaraihuëꞌ, co yonquiapihuëꞌ. Iráca co mantaꞌ yaꞌhuëpirinhuëꞌ. Ina quëran Yosë nonaton, isoroꞌpaꞌ acorin. Inápaquë yaꞌhuërinsopitantaꞌ acorin. Isoroꞌpasoꞌ iisáchin nipirinhuëꞌ, ina nohuanton, yaniroꞌ yaꞌnorin.