Génesis 1:31 - Chayahuita (Shahui)

³¹ Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Génesis 1:31 ပူးပေါင်းရင်းမြစ်များ

Génesis 1:13

Tashiantarahuaton tahuëriantahuachina, iꞌhuaraya huarëꞌ cara tahuëri nanirin huachi.

Génesis 1:19

Tashiantarahuaton tahuëriantahuachina, iꞌhuaraya huarëꞌ catapini tahuëri nanirin huachi.

Génesis 1:23

Tashiantarahuaton tahuëriantahuachina, iꞌhuaraya huarëꞌ aꞌnatërápo tahuëri nanirin huachi.

Génesis 1:5

Niiꞌsohuantërinsosoꞌ: “Tahuëri,” itërin. Tashinaontaꞌ: “Tashiꞌ,” itërin. Tashirahuaton tahuëriantahuachina, iꞌhuaraya huarëꞌ aꞌna tahuëriraꞌ, nanirin huachi.

Génesis 1:8

Nani acohuachina, inápaquë yaꞌhuërinsosoꞌ: “Piꞌiroꞌtëꞌ,” itërin. Tashiantarahuaton tahuëriantahuachina, iꞌhuaraya huarëꞌ cato tahuëri nanirin huachi.

Génesis 2:2

Yaꞌipi acorinsopita tënirahuaton, tahuëririnquë chinotërin. Napoaton, ina tahuëri noya niꞌnin. Noya nicaton, chinoto tahuëri acorin. Napoaton piyapi pënënin: “Naporo tahuëri chinotatomaꞌ, casáchin yonquico,” itërin.

Copo naporinso' 38:7

Tahuëri yaꞌcari tayoraroꞌsa yaꞌnopisoꞌ, piyapiꞌsa pochin cantasoiꞌ, cari inapita acotërahuë. Anquëninëhuëpitanta capa cancantasoiꞌ, acotërahuë.

Salmos 104:24

¡Maꞌpitacha Sinioro quëmasoꞌ ninan paya! Noya yonquiaton nani maꞌsha acoran. Nani maꞌsha ninansopita isoroꞌpaꞌ mëntatërin.

Salmos 104:28

Quëmari quëtohuatana coshatopi huachi. Imiranën ihuëtatë pochin nitohuatana, noya noya nininsoꞌ capatona natëpi.

Salmos 104:31

Sinioro noya noya nininsosoꞌ, yaꞌhuëmiatarin. Nani maꞌsha acorinsopita nicaton, inasoꞌ noya cancantërin.

Éxodo 20:11

Saota tahuëri quëran yaꞌipi acorahuësopita tënirahuë. Inápaquë, isoroꞌpaquë, marëquë, inaquëpita yaꞌhuërinso tënirahuë. Tahuëririnquë chinotërahuë. Napoaton, ina tahuëri noya nicato, chinoto tahuëri acorahuë: Naporo tahuëri chinotatomaꞌ, casáchin yonquico.

Eclesiastés 3:11

Inari chachin tahuërinën nanihuachin, yaꞌipi maꞌsha noyápiachin acorin. Piyapinpoanta yonquínahuan acorinpoaꞌ. Iráca quëran huarëꞌ tahuëri yaꞌhuërinso yonquiatëhuaꞌ, aꞌna tahuërinta yaꞌhuëantacasoꞌ, piꞌpian anitotërinpoaꞌ. Co yaꞌipi Yosë naporinsopita nitotacasoꞌ nanitërëhuahuëꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.

1 Timoteo 4:4

Yaꞌipi maꞌsha Yosëri ninin. Napoaton nóya. Co mantaꞌ aꞌpocasoꞌ yaꞌhuërinhuëꞌ. “Yosparinquën, Sinioro,” itatëhuaꞌ, yaꞌipiya noya caparihuaꞌ.

1 Timoteo 4:5

Yosë quiricanën yonquiatëhuaꞌ, Yosë nontohuatëhuaꞌ, noya capacasoꞌ, tënin Yosë.