Génesis 1:28 - Chayahuita (Shahui)

²⁸ Noya yonquirapiton iso pochin shaꞌhuitërin: “Nóya yaꞌhuëcoꞌ. Naꞌa huaꞌhuasha yaꞌhuëchinquëmaꞌ. Shiparimapita naꞌatonaꞌ, yaꞌipi parti yaꞌhuëꞌinaꞌ. Yaꞌipi huaꞌanëntocoꞌ. Samiroꞌsaꞌ, maꞌsharoꞌsaꞌ, anpiantëhuanoꞌsaꞌ, niohuaratërinsopita, inapita huaꞌanëntocoꞌ,” itërin.

Génesis 1:28 ပူးပေါင်းရင်းမြစ်များ

Génesis 1:22

Iꞌquë yaꞌhuëcaiso nipisopita noya yonquirapiton iso pochin shaꞌhuitërin: “¡Naꞌamiatatoma marëroꞌsaquë yaꞌhuëcoꞌ!” itërin. Naporahuaton anpiantëhuanoꞌsantaꞌ, shaꞌhuitërin: “¡Naꞌamiatatoma canpitanta isoroꞌpaquë yaꞌhuëcoꞌ!” itërin.

Génesis 17:16

Inanta noya nicato catahuararahuë niꞌton, huaꞌhuanarin huachi. Tëhuënchachin cari noya nicato inapotarahuë. Naꞌa nacionoꞌsaꞌ, ina quëran pipiponaꞌ. Ina quëran pipipisopita aꞌnaquënsoꞌ, copirno yaꞌconaponaꞌ, itërin.

Génesis 17:20

Ismairo marënta nontërancosoꞌ, nani natananquën. Inanta catahuarahuë. Ca nohuanto naꞌa huiꞌninpita yaꞌhuëtapon. Ina quëran pipipisopita naꞌamiataponaꞌ. Shonca cato huaꞌanoꞌsa nicacaisoꞌ huiꞌnahuanapon. Ina shinpita quëran panca nacion pipipon.

Génesis 24:60

Nani yapaꞌpachina, yoꞌini nóya yonquirapiton iso pochin shaꞌhuitërin: “Oshira, Yosë catahuainquën. Paꞌpi nohuantërai, noya huaꞌhuanaton, notohuaroꞌ amiparinpita yaꞌhuëtiinquënsoꞌ. Naporahuaton amiparinpitantaꞌ, Yosëri catahuain inimiconënapita minsëraꞌpiainaꞌ,” itërin.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 33:5

Ina quëran Isaosoꞌ, sanapiꞌsaꞌ, huaꞌhuaroꞌsa inapita niꞌnin. Niꞌsahuaton iin natanin: —¿Isopita poꞌ? ¿Inpitata? itërin. —Huiꞌnahuëpita taꞌa. Yosë nohuanton yaꞌhuërinsoꞌ, tënin Cacopo.

Génesis 49:25

Yosënëhuë chachin, catahuapënquën. Inasoꞌ, yaꞌipi nanitapaton catahuapënquën. Ina nohuanton, oꞌnanpachina catahuainquën. Acoporonta iꞌ yaꞌhuërinsoꞌ, ina nohuanton pipiton catahuainquën. Pëꞌtahuanëmapita, sanapinëmapita, inapitanta huaihuachina catahuain.

Génesis 5:2

Quëmapi, sanapi, nisahuaton, noya yaꞌhuëcaiso marëꞌ noya yonquirapiton shaꞌhuitërin. Acorinso tahuëri chachin nohuitaton: “Isopitasoꞌ: ‘Piyapiroꞌsaꞌ,’ itarahuë,” tënin.

Génesis 6:1

Piyapiꞌsa naꞌasahuatonaꞌ, yanquëpi huachi. Itohua itohua ninanoroꞌsa ocoiatona yaꞌhuërapi. Naꞌa huiꞌninapita nanoꞌsa yaꞌhuëtopi.

Génesis 8:17

Yaꞌipi maꞌsharoꞌsanta ocoiquë paꞌinaꞌ. Anpiantëhuanoꞌsaꞌ, pëꞌtahuaroꞌsaꞌ, noꞌpaquë niohuaratërinsopita, yaꞌipi inapitanta pipiinaꞌ. Notohuaroꞌ huaꞌhuatatonaꞌ, yaꞌipiroꞌpaquë yanquëꞌinaꞌ,” itërin.

Génesis 9:1

Naporoꞌ Noi, huiꞌninpitarë chachin, Yosëri nóya yonquirapiton iso pochin shaꞌhuitërin: “Naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ.

Génesis 9:7

¡Napoaponahuëꞌ, canpitaso naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ!” itërin.

Copo naporinso' 39:11

Chiníquën niꞌton, catahuainquënso marëꞌ camaihuatan, ¡co onporo catahuaponquënhuëꞌ!

Copo naporinso' 42:12

Iráca coꞌhuara maꞌsha onpoyátëraponhuëꞌ, Yosëri Copo noya catahuarin. Maꞌsha onporin piquëransoꞌ, noya noya catahuarin. Ina nohuanton ohuicanënpita shonca catapini huaranca, camiyonënpitanta saota huaranca, noꞌpaꞌ ohuërërinsopitanta toronënpitarë chachin huaranca, moranënpitanta huaranca, inanapo yaꞌhuëtërin.

Salmos 107:38

Yosëri catahuarin niꞌton, naꞌamiatopi. Pëꞌtahuanënapitantaꞌ, sacóshin anaꞌatopi.

Salmos 115:16

Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Salmos 69:34

Inápaquë yaꞌhuëpisopitarintaꞌ, Sinioro chinochinaꞌ. Isoroꞌpaꞌ, marë, inaquëpita yaꞌhuëpisopitantaꞌ, yaꞌipiya quëran ina chinochinaꞌ.

Salmos 8:6

Huaꞌan pochin nicaꞌhuaiso marëꞌ acorancoi. Yaꞌipi maꞌsha huaꞌanëntërai.

Salmos 8:7

Ohuacaroꞌsaꞌ, ohuicaroꞌsaꞌ, tanan maꞌsharoꞌsaꞌ, anpiantëhuanoꞌsaꞌ, samiroꞌsa iꞌquë paꞌpisopita, nisha nisha maꞌsharoꞌsa marëquë yaꞌhuëpisoꞌ, yaꞌipi inapita ahuaꞌanëntërancoi.

Isaías 45:18

Siniorosoꞌ Yosë niꞌton, piꞌiroꞌtë acorin. Isoroꞌpanta acohuachina, noyá acorin. Co topinan nicacaso marëꞌ acorinhuëꞌ. Piyapiroꞌsari yaꞌhuëtacaiso marëꞌ acorin. Ina chachin nontatonpoaꞌ: “Caso Sinioroco. Co aꞌninquëchin yaꞌnorahuëꞌ. Co aꞌna ca pochin yaꞌhuërinhuëꞌ.

1 Timoteo 4:3

“Ama sanapi macosohuëꞌ. Nisha nisha cosharoꞌ aꞌpoco huachi,” tosapi. Napopirinahuëꞌ, Yosë yaꞌipi cosharoꞌ ninin capacaso marëꞌ. Nanamën nitotatëhuaꞌ, Yosë natëhuatëhuaꞌ, co aꞌpoarihuahuëꞌ. “Yosparinquën, Sinioro,” itatëhuaꞌ, caparihuaꞌ.