Génesis 1:26 - Chayahuita (Shahui)

²⁶ Naporo tahuëri chachin tapon: “¡Iporaso huachi piyapi niahuaꞌ! Inaso canpoa pochachin nisarin. Chiníquën nanantaton, samiroꞌsaꞌ, anpiantëhuanoꞌsaꞌ, inapita huaꞌanëntarin. Maꞌsharoꞌsa pëꞌtahuacaiso nipisopita, tananquë yaꞌhuëcaiso nipisopita, niohuaratërinsopita, yaꞌipi inapitanta huaꞌanëntarin,” tënin.

Génesis 1:26 ပူးပေါင်းရင်းမြစ်များ

Génesis 11:7

Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.

Génesis 2:19

Ina quëran yaꞌipi maꞌsharoꞌsaꞌ, anpiantëhuanoꞌsaꞌ, inapita noꞌpa quëran ninin huachi. Inapita nisahuaton, quëmapi quëshirin inari nininën acotacaso marëꞌ. Pëꞌtahuaroꞌsaꞌ, anpiantëhuanoꞌsaꞌ, maꞌsharoꞌsa tananquë yaꞌhuërinsopita, inapita nininën acotërin. Ma nininënsona acotohuachina, ina chachin ninihuanpi huachi. Napoaponahuëꞌ, co aꞌna maꞌshari tëranta nanitërinhuëꞌ, quëmapi noya catahuacasoꞌ.

Génesis 3:22

Naporo chachin tënin: “Iporasoꞌ, piyapi canpoa pochachin nitotërin. Noya nininso nitotahuaton, co noyahuëꞌ nininsonta nitotërin. Niꞌquëna nanpirin nara nitërinsonta caꞌpachin. Napohuachinsoꞌ, nanpimiatarin,” tënin.

Génesis 5:1

Atan shinpita napopiso shaꞌhuichinquëma nitotocoꞌ. Yosëri piyapi nipachina, inaora pochachin ninin.

Génesis 9:6

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

Copo naporinso' 39:11

Chiníquën niꞌton, catahuainquënso marëꞌ camaihuatan, ¡co onporo catahuaponquënhuëꞌ!

Copo naporinso' 5:23

Naꞌpiroꞌsanta co iminënpitaquë, yaꞌcopiarinquënhuëꞌ. Maton maꞌsharoꞌsanta payapënën. Napoaton co sacai quëranhuëꞌ, iminënquë sacataran.

Salmos 100:3

Yosëíchin chini chiníquën nanantërin. Ina nitotoco canpitantaꞌ. Inaso nininpoa niꞌton, huaꞌanëntërinpoaꞌ. Ina piyapinënpoa canpoasoꞌ. Ohuicaroꞌsa huaꞌanëni aꞌpairinso pochin noya aꞌpairinpoaꞌ.

Isaías 45:18

Siniorosoꞌ Yosë niꞌton, piꞌiroꞌtë acorin. Isoroꞌpanta acohuachina, noyá acorin. Co topinan nicacaso marëꞌ acorinhuëꞌ. Piyapiroꞌsari yaꞌhuëtacaiso marëꞌ acorin. Ina chachin nontatonpoaꞌ: “Caso Sinioroco. Co aꞌninquëchin yaꞌnorahuëꞌ. Co aꞌna ca pochin yaꞌhuërinhuëꞌ.

Isaías 6:8

Naporoꞌ Sinioro noninsoꞌ natanahuë: “¿Inta iporaso aꞌpaꞌi? ¿Incha yaꞌhuërënamënpoa nanan shaꞌhuicaso marëꞌ paꞌnëꞌpoya?” tënin. “Maꞌta Sinioro ca yaꞌhuëarahuë. Ca nipachin aꞌpaco,” itërahuë.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Juan 14:23

Napotohuachina, Quisosori itërin: —Co yaꞌipi piyapiꞌsaꞌ nanitopihuëꞌ nohuitinacosoꞌ. Insosona nosorohuachinaco, natëarinaco. Natëhuachinaco, Tata Yosëri nosoroarin. Inaroꞌco yaꞌcoancantatoi, inaquë yaꞌhuëarai.

Juan 5:17

Quisosoriso nipirinhuëꞌ itërin: —Tatahuësoꞌ co ipora huantaꞌ chinotërinhuëꞌ. Sacatárin piyapiꞌsaꞌ catahuacaso marëꞌ. Cantaꞌ co chinotërahuëꞌ. Nani tahuëri piyapiꞌsaꞌ catahuarahuë, tënin.

Hechos 17:20

Co onporontaꞌ natanchinaihuëꞌ. Aꞌchintocoi quiyantaꞌ nitochii, itopi.

Hechos 17:26

Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

1 Corintios 11:7

Quëmapinpoaso nipirinhuëꞌ Yosë nontohuatëhuaꞌ, ama motënpoaꞌ niimomototahuasohuëꞌ. Yosë nininpoaꞌ ina pochin huaꞌanëntacaso marëꞌ. Inasáchin, iyaroꞌsaꞌ, natëhuatëhuaꞌ, nóya cancantarihuaꞌ. Ina marëꞌ acorinpoaꞌ. Inapochachin sanapiꞌsantaꞌ soꞌinaꞌ noya natëhuachinaꞌ, nóya cancantapi.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

2 Corintios 4:4

Sopai nohuanton, co nanitopihuëꞌ noꞌtëquën yonquicaisoꞌ. Maꞌsha aꞌpintërëso pochin nanamën quëran Yosë anitotërinpoaꞌ Quisocristo nohuitacaso marëꞌ. Inasoꞌ Yosë chachin ninin. Inapitaso nipirinhuëꞌ somaraya pochin cancantatonaꞌ, co nanitopihuëꞌ natëtacaisoꞌ.

Efesios 4:24

Nasha cancan Yosë quëtërinpoaꞌ ina pochin cancantacaso marëꞌ. Napoaton nasha aꞌmorëso pochin nasha cancantocoꞌ. Noꞌtëquën yonquiatomaꞌ, noyasáchin nicoꞌ.

Colosenses 1:15

Tata Yosësoꞌ co quënanëhuëꞌ. Nipirinhuëꞌ, huiꞌnin isoroꞌpaquë oꞌmaton, paꞌpin anohuitërinpoaꞌ. Inantaꞌ Yosë chachin niꞌton, nóya anohuitërinpoaꞌ. Coꞌhuara isoroꞌpaꞌ yaꞌhuëyátërasohuëꞌ, huiꞌniontaꞌ inápaquë yaꞌhuërin.

Colosenses 3:10

Nasha aꞌmorëso pochin nasha cancan manamaꞌ. Yosë nininpoaꞌ niꞌton, nani tahuëriya catahuarinquëmaꞌ ina pochin cancantacamaso marëꞌ. Ina quëran noya noya ina nohuitaramaꞌ. Ina marëꞌ nasha cancan quëtërinquëmaꞌ.

Santiago 3:7

Nisha nisha maꞌsharoꞌsaꞌ tananquë yaꞌhuërinsopita pëꞌtahuarëꞌ. Pëꞌtahuahuatëra, co huachi maninpohuëꞌ. Anpiantëhuanoꞌsaꞌ, iꞌquë yaꞌhuërinsopita, inapita pëꞌtahuarëꞌ. Pëhuara, mayo, inapita pochin nininsontaꞌ mapatëra, pëꞌtahuarëꞌ.

Santiago 3:9

Nanamënpoa quëran Yosë chinotërëhuaꞌ. “Tata Yosë huaꞌanëntërinpoasoꞌ nóya,” tënëhuaꞌ. Ina nanamënpoa quëran chachin piyapiꞌsaꞌ pinorëhuaꞌ. Yaꞌipinpoaꞌ Yosë chachin nininpoaꞌ. Ina pochin cancantacaso marëꞌ acopirinpoahuëꞌ, nipinorëhuaꞌ.

1 Juan 5:7

Tata Yosë noya anitotërinpoaꞌ huiꞌnin natëcasoꞌ. Niꞌcoꞌ. “Carayaꞌpi inachachin shaꞌhuihuachina, naporo huarëꞌ natëtërëꞌ,” topi. Inapochachin cancanënpoaquë Ispirito Santo shaꞌhuitërinpoaꞌ. Quisocristontaꞌ iꞌquë aporihuanpachina, yaꞌipiya Yosë natërin. Naporahuaton, canpoa marëꞌ chiminpachina, huënainën paꞌnin. Cara chachin napopináchin anitotërinpoaꞌ.