Génesis 1:21 - Chayahuita (Shahui)

²¹ Panca maꞌsharoꞌsa nisha nisha nipisopita, marëquë yaꞌhuëcaiso marëꞌ acorin. Nisha nisha samiroꞌsantaꞌ, acorin. Anpiantëhuanoꞌsantaꞌ, acorin. Acorinsopita nicaton: “¡Ma nóyacha acorahuë paya!” tënin.

Génesis 1:21 ပူးပေါင်းရင်းမြစ်များ

Génesis 1:20

Ina quëran Yosë taantarin: “¡Nisha nisha maꞌsharoꞌsa iꞌquë yaꞌhuëcaiso marëꞌ yaꞌhuëꞌin! Nisha nisha samiroꞌsanta yaꞌhuëꞌin. ¡Naporahuaton, nisha nisha inairaroꞌsa yanponacaiso marëꞌ yaꞌhuëꞌin!” tënin. Topachina, inachachin yaꞌhuërin huachi.

Génesis 1:22

Iꞌquë yaꞌhuëcaiso nipisopita noya yonquirapiton iso pochin shaꞌhuitërin: “¡Naꞌamiatatoma marëroꞌsaquë yaꞌhuëcoꞌ!” itërin. Naporahuaton anpiantëhuanoꞌsantaꞌ, shaꞌhuitërin: “¡Naꞌamiatatoma canpitanta isoroꞌpaquë yaꞌhuëcoꞌ!” itërin.

Génesis 1:25

Inapita maꞌsharoꞌsaꞌ, yaꞌipi Yosëri acorin. Acorinsopita nicaton: “¡Ma nóyacha acorahuë paya!” tënin.

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Génesis 2:19

Ina quëran yaꞌipi maꞌsharoꞌsaꞌ, anpiantëhuanoꞌsaꞌ, inapita noꞌpa quëran ninin huachi. Inapita nisahuaton, quëmapi quëshirin inari nininën acotacaso marëꞌ. Pëꞌtahuaroꞌsaꞌ, anpiantëhuanoꞌsaꞌ, maꞌsharoꞌsa tananquë yaꞌhuërinsopita, inapita nininën acotërin. Ma nininënsona acotohuachina, ina chachin ninihuanpi huachi. Napoaponahuëꞌ, co aꞌna maꞌshari tëranta nanitërinhuëꞌ, quëmapi noya catahuacasoꞌ.

Génesis 6:20

Anpiantëhuanoꞌsaꞌ, pëꞌtahuaroꞌsaꞌ, noꞌpaquë niohuaratërinsopita, yaꞌipi inapita catoya catoya yaꞌconaponaꞌ. Canpitarë chachin yaꞌhuaantacaiso marëꞌ yaꞌconaponaꞌ.

Génesis 7:14

Tananquë maꞌsharoꞌsa yaꞌhuërinsopita, pëꞌtahuaroꞌsa nipisopita, niohuaratërinsopita, anpiantëhuanoꞌsaꞌ, inapitanta yaꞌconpi.

Génesis 8:17

Yaꞌipi maꞌsharoꞌsanta ocoiquë paꞌinaꞌ. Anpiantëhuanoꞌsaꞌ, pëꞌtahuaroꞌsaꞌ, noꞌpaquë niohuaratërinsopita, yaꞌipi inapitanta pipiinaꞌ. Notohuaroꞌ huaꞌhuatatonaꞌ, yaꞌipiroꞌpaquë yanquëꞌinaꞌ,” itërin.

Génesis 8:19

Maꞌsharoꞌsanta pipipi: Pëꞌtahuaroꞌsaꞌ, niohuaratërinsopita, anpiantëhuanoꞌsaꞌ, inapitanta pipipi huachi.

Génesis 9:2

Yaꞌipi maꞌsharoꞌsaꞌ, anpiantëhuanoꞌsaꞌ, marëquë yaꞌhuërinsopita, inapita huaꞌanëntaramaꞌ. Inapitaso tëꞌhuatarinënquëmaꞌ.

Génesis 9:7

¡Napoaponahuëꞌ, canpitaso naꞌa huiꞌnahuanatomaꞌ, yaꞌipiroꞌpaquë yaꞌhuëcoꞌ!” itërin.

Salmos 148:7

Isoroꞌpaquë yaꞌhuëramasopitantaꞌ, Sinioro chinotocoꞌ. Yaꞌipi marë anpotërinsopita, inaquë panca maꞌsharoꞌsa yaꞌhuërinsoꞌ,

Éxodo 1:7

Napoaponahuëꞌ, naꞌa huiꞌninapita yaꞌhuëtopi niꞌton, huaꞌqui quëran paꞌpi notohuaroꞌ naꞌapi. Yaꞌipi Iquipito noꞌpaquë yanquëatona yaꞌhuëpi.

Éxodo 8:3

Niroiquë naꞌamiataponaꞌ. Pipirahuatonaꞌ, quëma pëinënquë yaꞌconapi. Catahuarinquënsopita huaꞌanoꞌsa pëinënaquënta yaꞌconapi. Yaꞌipi piyapinënpita pëinënaquë yaꞌconapi. Niitatënquëma apiponquëmaꞌ. Patoanaroꞌsaquë, huëꞌëramaquë, pan ninamaquë inaquëpita yaꞌconapi, tënin,” itëquëꞌ, itërin.

Jonás 1:17

Coꞌhuara tëꞌyaichátërasoihuëꞌ, Sinioroso aꞌnara panca sami Conasë miꞌtacaso marëꞌ camairin. Inapotohuachina, cara tahuëri tashirë chachin ina yoꞌnamënquë yaꞌhuërin.

Jonás 2:10

Ina quëran Siniorori camaihuachina, panca samisoꞌ, yonsanꞌpaꞌ Conasë imoconin.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.