Génesis 1:20 - Chayahuita (Shahui)

²⁰ Ina quëran Yosë taantarin: “¡Nisha nisha maꞌsharoꞌsa iꞌquë yaꞌhuëcaiso marëꞌ yaꞌhuëꞌin! Nisha nisha samiroꞌsanta yaꞌhuëꞌin. ¡Naporahuaton, nisha nisha inairaroꞌsa yanponacaiso marëꞌ yaꞌhuëꞌin!” tënin. Topachina, inachachin yaꞌhuërin huachi.

Génesis 1:20 ပူးပေါင်းရင်းမြစ်များ

Génesis 1:14

Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 1:19

Tashiantarahuaton tahuëriantahuachina, iꞌhuaraya huarëꞌ catapini tahuëri nanirin huachi.

Génesis 1:21

Panca maꞌsharoꞌsa nisha nisha nipisopita, marëquë yaꞌhuëcaiso marëꞌ acorin. Nisha nisha samiroꞌsantaꞌ, acorin. Anpiantëhuanoꞌsantaꞌ, acorin. Acorinsopita nicaton: “¡Ma nóyacha acorahuë paya!” tënin.

Génesis 1:22

Iꞌquë yaꞌhuëcaiso nipisopita noya yonquirapiton iso pochin shaꞌhuitërin: “¡Naꞌamiatatoma marëroꞌsaquë yaꞌhuëcoꞌ!” itërin. Naporahuaton anpiantëhuanoꞌsantaꞌ, shaꞌhuitërin: “¡Naꞌamiatatoma canpitanta isoroꞌpaquë yaꞌhuëcoꞌ!” itërin.

Génesis 1:30

Maꞌsharoꞌsaꞌ, anpiantëhuanoꞌsaꞌ, niohuaratërinsopita, inapitaso nipirinhuëꞌ, panpatoro acotërahuë capacaiso marëꞌ” itërin. Napotohuachina, inachachin nipi huachi.

Génesis 1:7

Yosëri iꞌ yaꞌcopinamën nipachina, ina aipi iꞌ yaꞌhuërin. Inaanaquëntaꞌ, iꞌ yaꞌhuërin.

Génesis 2:19

Ina quëran yaꞌipi maꞌsharoꞌsaꞌ, anpiantëhuanoꞌsaꞌ, inapita noꞌpa quëran ninin huachi. Inapita nisahuaton, quëmapi quëshirin inari nininën acotacaso marëꞌ. Pëꞌtahuaroꞌsaꞌ, anpiantëhuanoꞌsaꞌ, maꞌsharoꞌsa tananquë yaꞌhuërinsopita, inapita nininën acotërin. Ma nininënsona acotohuachina, ina chachin ninihuanpi huachi. Napoaponahuëꞌ, co aꞌna maꞌshari tëranta nanitërinhuëꞌ, quëmapi noya catahuacasoꞌ.

Génesis 7:21

Naporoꞌ yaꞌipi piyapiroꞌsa isoroꞌpaquë yaꞌhuëpisopita, taquiitopi. Anpiantëhuanoꞌsaꞌ, pëꞌtahuaroꞌsaꞌ, tananquë maꞌsharoꞌsa yaꞌhuërinsoꞌ, niohuaratërinsopita, inapitanta taꞌhuantopi. Yaꞌipi nii oꞌhuatona nanpipisopita, taquiitopi huachi.

Génesis 8:17

Yaꞌipi maꞌsharoꞌsanta ocoiquë paꞌinaꞌ. Anpiantëhuanoꞌsaꞌ, pëꞌtahuaroꞌsaꞌ, noꞌpaquë niohuaratërinsopita, yaꞌipi inapitanta pipiinaꞌ. Notohuaroꞌ huaꞌhuatatonaꞌ, yaꞌipiroꞌpaquë yanquëꞌinaꞌ,” itërin.

Salmos 148:10

pëꞌtahuaroꞌsaꞌ, tanan maꞌsharoꞌsaꞌ, anpiantëhuanoꞌsaꞌ, niohuaratonaꞌpiroꞌsaꞌ,

Hechos 17:25

Co piyapi maꞌshanënpita nohuantërinhuëꞌ. Co mantaꞌ pahuantërinhuëꞌ. Inariáchin yaꞌipi maꞌshanënpoaꞌ quëtërinpoaꞌ. Ina nohuanton, nanpirëhuaꞌ. Ina nohuanton, cosharoꞌ, maꞌsha, inapita yaꞌhuëtërinpoaꞌ.