Génesis 1:2 - Chayahuita (Shahui)

² Naporoꞌ isoroꞌpasoꞌ, co ipora pochin nishátërarinhuëꞌ. Yaꞌipi marësáchin ninin, paꞌpi anpotërin. Tashiri noyá iꞌcopitërin. Naporo chachin Yosë ispiritonënsoꞌ, iꞌ aipi yanpo yanpónantarin.

Génesis 1:2 ပူးပေါင်းရင်းမြစ်များ

Copo naporinso' 38:9

Canopiaꞌhuasoꞌ, soꞌnashitëquë soꞌquëtërëꞌ. Inapochachin marënta soꞌquëtërëso pochin nitamarëꞌ, chitoro acotërahuë.

Copo naporinso' 41:32

Marë paꞌtohuachina, cato quëran chachin iꞌ taꞌsararin. Taꞌsarinsoꞌ moncoiaton, huiríchin huënaratërarin. Acasáchin nisahuaton naporopi aintërinso pochin marë acorin.

Salmos 104:30

Ispiritonën aꞌpaimahuatana, nani maꞌsha acoantaran. Isoroꞌpaꞌ anashatatë pochin nitaantaran.

Salmos 104:6

Aꞌmorëhuasoꞌ, nonënpoa imotërinso pochachin marëri naporo yaꞌipiroꞌpaꞌ imotërin. Motopiroꞌsa quëran huarëꞌ imotërin.

Salmos 148:7

Isoroꞌpaquë yaꞌhuëramasopitantaꞌ, Sinioro chinotocoꞌ. Yaꞌipi marë anpotërinsopita, inaquë panca maꞌsharoꞌsa yaꞌhuërinsoꞌ,

Salmos 33:6

Sinioro camaitohuachina, piꞌiroꞌtë yaꞌnorin. Inaquë yaꞌhuërinsopitantaꞌ, nonin quëran chachin acorin.

Proverbios 8:24

Coꞌhuara marëroꞌsaꞌ, iiroꞌsaꞌ, noꞌpaꞌ quëran iꞌsha pipirinsopita, inapita yaꞌhuëyátëraponhuëꞌ, caꞌton acorinco.

Isaías 31:5

Inairanta huaꞌhuinpita paꞌpoyaton, pëꞌpëtën aipi yanpo yanpónantarin. Inapochachin canta yaꞌipi nanitapato, Quirosarin aꞌpaiapo, paꞌpoyapo, nichaꞌëpo, inapotapo.

Isaías 45:18

Siniorosoꞌ Yosë niꞌton, piꞌiroꞌtë acorin. Isoroꞌpanta acohuachina, noyá acorin. Co topinan nicacaso marëꞌ acorinhuëꞌ. Piyapiroꞌsari yaꞌhuëtacaiso marëꞌ acorin. Ina chachin nontatonpoaꞌ: “Caso Sinioroco. Co aꞌninquëchin yaꞌnorahuëꞌ. Co aꞌna ca pochin yaꞌhuërinhuëꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

Deuteronomio 32:11

Panca onian yaquëpatërinsoꞌ, yonquicoꞌ. Huaꞌhuinpita yaquëpaton yanpo yanpónantarin. Aꞌnara tëniton atatërin. Anotapirinhuëꞌ, naꞌhuëtëramarahuaton anpiantën quëran pancapirin. Inapotaton quëpanantarin. Ina pochachin Sinioronta nitatonpoaꞌ, aꞌchintërinpoaꞌ. Nisha nisha huëhuëpiro quëran ocoirinpoa aꞌnitotiinpoaso marëꞌ.