Génesis 1:16 - Chayahuita (Shahui)

¹⁶ Tahuëri aꞌpinacaso marëꞌ panca masho acorahuaton, tashinta aꞌpinacaso marëꞌ huaꞌhuishin miachin acorin. Tayoraroꞌsanta acorin.

Génesis 1:16 ပူးပေါင်းရင်းမြစ်များ

Copo naporinso' 31:26

Piꞌi noyápiachin aꞌpinin niꞌnahuë. Yoquinta paꞌyápiro yaꞌnorin.

Copo naporinso' 38:7

Tahuëri yaꞌcari tayoraroꞌsa yaꞌnopisoꞌ, piyapiꞌsa pochin cantasoiꞌ, cari inapita acotërahuë. Anquëninëhuëpitanta capa cancantasoiꞌ, acotërahuë.

Salmos 148:3

Piꞌi, yoqui, inapitanta ina chinochinaꞌ. Tayoraroꞌsa huënaráchin nipisopitantaꞌ, ina paꞌyachinaꞌ.

Salmos 148:5

Yaꞌipi inapitari Sinioro chinochinaꞌ. Ina camaitërin quëran yaꞌipi inapita yaꞌhuëpi.

Salmos 19:6

Pipirin quëran yaꞌnorahuaton, pomosoontarin. Ina quëran yaꞌconinꞌpaꞌ nohuaramarin. Co incari tëranta piꞌcatërinsoꞌ chaꞌëtërinhuëꞌ.

Salmos 8:3

Piꞌiroꞌtë acoransoꞌ nëꞌpëhuatora, yoqui, tayoraroꞌsaꞌ, inapita niꞌnahuë. Ina nicato: “Ma noyacha acorin paya,” tënahuë.

Isaías 40:26

Inta nipachin piꞌiroꞌtë nëꞌpëricoꞌ. ¡Nani canpita cari acorahuësoꞌ nitotëramaꞌ! Yaꞌipi inaquë yaꞌhuërinsopita acoato, aꞌnaya aꞌnaya insëquësona nohuantërahuëquë acorahuë. Chini chiníquën nanantato nininëna quëran përapatora, yaꞌipi yaꞌnopi,” tënin.

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Jeremías 31:35

Siniorosoꞌ, yaꞌipi nanitaparin. Ina nohuanton piꞌisoꞌ, tahuëri aꞌpinin. Yoqui, tayora, inapitaso tashi aꞌpinin. Ina nohuanton marënta coꞌsacaitohuachina, tënëntërin. Ina Sinioro chachin naporin:

Habacuc 3:11

Piꞌi, yoqui, inapitanta co huachi pipiapihuëꞌ. Shinërënënpita, nansanën, inapita huënaratapi niꞌton, napoaponaꞌ.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Mateo 27:45

Camotëchin nisahuasoꞌ, yaꞌipi parti tashirarin. Iꞌhuaraya huarëꞌ yono tashi pochin nisarin.

1 Corintios 15:41

Piꞌisoꞌ huënaráchin huënaráchin aꞌpinin. Yoquintaꞌ nisha aꞌpinin. Tayoraroꞌsantaꞌ nisha nisha aꞌpinpi. Co napopináchin aꞌpinpihuëꞌ.

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.