Génesis 1:14 - Chayahuita (Shahui)

^14-15 Ina quëran Yosë taantarin: “¡Aꞌpininsopita piꞌiroꞌtëquë yaꞌhuëꞌin. Tahuëri, tashi aꞌpintacaso marëꞌ yaꞌhuëꞌin. Inapita aꞌpinpachina, tahuëri, tashiꞌ, nisha nisha acoarin. Naporahuaton yoquiroꞌsaꞌ, piꞌipiroꞌsaꞌ, inapitanta piyapiroꞌsa nitotapi huachi!” tënin. Topachina, inachachin yaꞌhuërin huachi.

Génesis 1:14 ပူးပေါင်းရင်းမြစ်များ

Génesis 1:13

Tashiantarahuaton tahuëriantahuachina, iꞌhuaraya huarëꞌ cara tahuëri nanirin huachi.

Génesis 8:22

Isoroꞌpaquë yaꞌhuapona pochin, piyapiꞌsa noya shaꞌtaponaꞌ. Nitërinsonta macaponaꞌ. Huënocanta yaꞌhuërahuaton, sëhuëonta yaꞌhuapon. Piꞌipi tahuëriꞌsanta nanirahuaton, oꞌnapinta nanipon. Tahuëri, tashiꞌ, inapitanta yaꞌhuapon,” tënin.

Copo naporinso' 3:9

¡Maꞌcha naporo tahuëririnquëntaꞌ, huënio tayora co yaꞌnorinhuëꞌ paya! ¡Tahuëricasonta ninapirinahuëꞌ co tahuëririnhuë naporini, noyataꞌitonhuëꞌ! ¡Tahuërinta huënihuaninsoꞌ, co quënanpihuëꞌ naporini, noya noya niitonhuëꞌ!

Salmos 148:3

Piꞌi, yoqui, inapitanta ina chinochinaꞌ. Tayoraroꞌsa huënaráchin nipisopitantaꞌ, ina paꞌyachinaꞌ.

Salmos 148:6

Inari yaꞌhuëmiatacaiso marëꞌ inapita acorin. Onpo yaꞌhuëcaisontaꞌ, inari acotëraꞌpiarin. Napoaton co onporonta tapiaponahuëꞌ.

Salmos 150:1

¡Ma noyacha Sinioroso paya! Siniorosoꞌ pëinënquë yaꞌhuëarin. Niyontonahuatëhuaꞌ, inaquë chinotahuaꞌ. Piꞌiroꞌtëquë acorinsopita nicatëhuaꞌ, chiníquën nanantërinsoꞌ yonquiaꞌahuaꞌ.

Isaías 40:26

Inta nipachin piꞌiroꞌtë nëꞌpëricoꞌ. ¡Nani canpita cari acorahuësoꞌ nitotëramaꞌ! Yaꞌipi inaquë yaꞌhuërinsopita acoato, aꞌnaya aꞌnaya insëquësona nohuantërahuëquë acorahuë. Chini chiníquën nanantato nininëna quëran përapatora, yaꞌipi yaꞌnopi,” tënin.

Jeremías 31:35

Siniorosoꞌ, yaꞌipi nanitaparin. Ina nohuanton piꞌisoꞌ, tahuëri aꞌpinin. Yoqui, tayora, inapitaso tashi aꞌpinin. Ina nohuanton marënta coꞌsacaitohuachina, tënëntërin. Ina Sinioro chachin naporin:

Joel 2:10

Yaꞌipi isoroꞌpaquë yaꞌhuëpisopita paꞌyanatonaꞌ, Sinioro notënanquë ropataponaꞌ. Piꞌiroꞌtënta nacon nacontapon. Piꞌi, yoqui, inapitanta tacopiapon. Tayoraroꞌsanta co huachi aꞌpinaponhuëꞌ.

Joel 3:15

Ina tahuëri nanihuachin, piꞌi tashiapon. Yoqui, tayoraroꞌsa, inapitantaꞌ, co huachi aꞌpinaponahuëꞌ.

Amós 5:8

Inápaquë tayora huëntonoꞌsa chitoro pochin yaꞌnopiso yaꞌhuërin. Aꞌnasoꞌ, Priyatisë itopi. Aꞌnantaꞌ, Orion itopi. Yaꞌipi inapita Siniorori acorin. Ina nohuanton tashinta tahuëririn. Tahuërintaꞌ, ina nohuanton tashirin. Ina nohuanton marë tomontërin. Ina quëran noꞌpaquë oꞌnanin. Inasoꞌ, Sinioro. Ina pochin nohuitocoꞌ.

Amós 8:9

Naquëranchin Sinioro taantarin: “Isontaꞌ, ca Sinioroco noꞌtëquën shaꞌhuitaranquëmaꞌ: Ina tahuëri nanihuachin, camotëchin nipirinhuëꞌ, piꞌi tacopiapon. Yono piꞌi nipirinhuëꞌ, tashiapon.

Mateo 2:2

—¿Insëquëtaꞌ nasha copirno nasitërin? Cotio copirno yaꞌconacasoꞌ nani nasitërin ipora. Yaꞌhuërai parti yaꞌhuasocoi, nasha tayora yaꞌnorinsoꞌ quënanai. Ina nicatoi: “Yosëri aꞌpaimarinsoꞌ nasitërin huachi,” taꞌtoi, huëꞌnai ina chinotapoi, itëraꞌpiapi.

Mateo 24:29

“Nani parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ. Naporahuaton, naꞌa tayoraroꞌsaꞌ anotarin. Yaꞌipi inápaquë yaꞌhuërinsopitantaꞌ nacon nacontapon.

Marcos 13:24

Ina tosahuaton taantarin: “Ina quëran iyaroꞌsaꞌ nani chiníquën parisitohuachinaꞌ, piꞌi tashiarin. Yoquintaꞌ co huachi aꞌpinarinhuëꞌ.

Lucas 23:45

Co huachi piꞌi aꞌpininhuëꞌ. Naporoꞌ Yosë chinotopiso pëiꞌ tanontën nëꞌmëtëquë patonpisoꞌ inaora noshatërin.

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Apocalipsis 6:12

Ina quëran aꞌna toꞌniquë achinpitërinsoꞌ iꞌshotaantarin. Inarëꞌ nani saotaroꞌ iꞌshorin. Inapotohuachina, panca ocohua paꞌsarin. Piꞌi tashiaton yaráchin nisarin. Yoquintaꞌ co huachi aꞌpianinhuëꞌ. Nincoan huëꞌsaponahuëꞌ, quëhuashin huënai pochin nisarin.

Apocalipsis 8:12

Nani cara anquëni pihuirin. Aꞌnantaꞌ pihuiantahuachina, Yosë nohuanton, patoma pochin piꞌi tapiarin. Yoqui, tayoraroꞌsaꞌ, inapitantaꞌ patoma pochin tapiapi. Napoaton tahuëri nipachina, co huachi piꞌi noya aꞌpianinhuëꞌ. Tashintaꞌ yoqui, tayoraroꞌsaꞌ, inapita co huachi noya aꞌpianpihuëꞌ.

Apocalipsis 9:2

Iꞌsoatohuachina, acopo quëran conaiꞌ pipiarin. Yaráchin tomontarin. Panca pën quëran tomontërinso pochin pipiton, piꞌi yaꞌcopiarin. Yaꞌipi parti tashiarin.