Génesis 1:12 - Chayahuita (Shahui)

¹² Ina nohuanton nisha nisha sharoꞌsaꞌ, panpatororoꞌsaꞌ, nararoꞌsaꞌ, inapita isoroꞌpaquë paporin. Acorinsopita nicaton: “¡Ma nóyacha acorahuë paya!” tënin.

Génesis 1:12 ပူးပေါင်းရင်းမြစ်များ

Génesis 1:11

Yosë taantarin: “¡Nisha nisha sharoꞌsa papoinaꞌ! Nisha nisha panpatororoꞌsanta nisha nisha yaꞌpirihuanpisoꞌ, papoinaꞌ. ¡Nisha nisha nararoꞌsanta nisha nisha nitopisopita noꞌpaquë papoinaꞌ!” tënin. Topachina, inachachin yaꞌhuërin huachi.

Génesis 1:13

Tashiantarahuaton tahuëriantahuachina, iꞌhuaraya huarëꞌ cara tahuëri nanirin huachi.

Salmos 104:14

Quëma nohuanton pastoroꞌsa maꞌsharoꞌsa marëꞌ aꞌshinpi. Piyapiꞌsanta shaꞌtopisoꞌ noyatohuachinara, cosharo yaꞌhuëtopi huachi.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Marcos 4:28

Shaꞌpachina, inaora nohuanton, noꞌpa quëran papotërin. Nani aꞌshinpachina, huënsharatërin. Nani huënsharatahuaton, nitërin.

Lucas 6:44

Nitërin quëran nara nohuitërëꞌ. Soꞌhuanpisoꞌ co misëra nitërinhuëꞌ. Shihuariontaꞌ co quëpa nitërinhuëꞌ.

2 Corintios 9:10

Niꞌcoꞌ. Yosë nohuanton, yaꞌpirin yaꞌhuërin shacacaso marëꞌ. Shaꞌpatëra, ina nohuanton, naꞌa papotërin capacaso marëꞌ. Inapochachin ina nohuanton, maꞌsha yaꞌhuëtarinquëmaꞌ. Aꞌnapita topinan quëtohuatamaꞌ, Yosë catahuarinquëmaꞌ noya noya cancantacamaso marëꞌ.

Gálatas 6:7

Niꞌcona sopai nonpintochinquëmaꞌ. Co Yosë tëhuacasoꞌ yaꞌhuërinhuëꞌ. Co insoari tërantaꞌ nanitërinhuëꞌ Yosë nonpintacasoꞌ. Noꞌtëquën yonquicoꞌ. Maꞌsha shaꞌpatëra, inachachin nitërin. Co nisha nitërinhuëꞌ.

Hebreos 6:7

Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.