Génesis 1:11 - Chayahuita (Shahui)

¹¹ Yosë taantarin: “¡Nisha nisha sharoꞌsa papoinaꞌ! Nisha nisha panpatororoꞌsanta nisha nisha yaꞌpirihuanpisoꞌ, papoinaꞌ. ¡Nisha nisha nararoꞌsanta nisha nisha nitopisopita noꞌpaquë papoinaꞌ!” tënin. Topachina, inachachin yaꞌhuërin huachi.

Génesis 1:11 ပူးပေါင်းရင်းမြစ်များ

Génesis 1:12

Ina nohuanton nisha nisha sharoꞌsaꞌ, panpatororoꞌsaꞌ, nararoꞌsaꞌ, inapita isoroꞌpaquë paporin. Acorinsopita nicaton: “¡Ma nóyacha acorahuë paya!” tënin.

Génesis 1:29

Napotahuaton, itaantarin: “Niꞌquëꞌ. Nisha nisha sharoꞌsa apapotërahuë nitërinso capamaso marëꞌ. Notohuaroꞌ nisha nisha nararoꞌsanta nitërinso caꞌquëꞌ, iroquëꞌ.

Génesis 2:16

Naporoꞌ iso pochin camairin: “Yaꞌipi isopita nararoꞌsa nitërinsoꞌ, noya caꞌquëꞌ, iroquëꞌ, inapoquëꞌ.

Génesis 2:5

co sharoꞌsa yaꞌhuëyátërarinhuëꞌ. Co panpatoronta papoyátërarinhuëꞌ. Co oꞌnan tëranta acoyátërarinhuëꞌ. Naporahuaton co insonta isoroꞌpaquë shaꞌtacaso marëꞌ yaꞌhuëyátërarinhuëꞌ.

Génesis 2:9

Naporahuaton, nisha nisha noyápiachin cashinoꞌsa apapotërin. Yashi yashin caꞌchináchin nitërinsopita apapotërin. Nararo huancánachin nanpirin nara apapotërin. Inaquë chachin aꞌnantaꞌ, apapotërin. Anitotacaso nara itopisoꞌ. Ina caꞌpachinaꞌ, noya nininsopita nitotaponahuëꞌ, co noyahuëꞌ nininsopitanta nitotapi huachi.

Salmos 1:3

Inapohuatëhuaꞌ, iꞌshana yonsanquë sharoꞌsa shaꞌpinan pochin nicarihuaꞌ. Inasoꞌ, monoquën quëran huarëꞌ noya noyataton, tahuërinën nanihuachin nitërin huachi. Ina pochin nipatëhuasoꞌ, yaꞌipi ninëhuasopita noya pipitarinpoaꞌ.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Mateo 3:10

Nani Yosë yonquirin oshahuanoꞌsaꞌ anaꞌintacasoꞌ. Niꞌcoꞌ. Nararoꞌsaꞌ co noya nitohuachinahuëꞌ, aꞌnërëꞌ. Itëquënpitarë chachin ocoirahuatëꞌ, pënquë tëꞌyatërëꞌ huiquitacaso marëꞌ.

Mateo 6:30

Pacatoro quëran huarëꞌ Yosëri yonquirin. Aꞌna tahuëríchin yaꞌhuëpirinhuëꞌ, ahuipachina, ahuiquitërë huachi. Co huaꞌquiꞌ yaꞌhuëpirinhuëꞌ, Yosëri yonquirin. Ina nohuanton, noya papotërin. Canpitasoꞌ ina quëran naꞌcon naꞌcon yonquirinquëmaꞌ. ¿Onpoatomataꞌ nipachin, co natëramahuëꞌ? ‘Yosë catahuarinco mini,’ taꞌcaso nipirinhuëꞌ.

Marcos 4:28

Shaꞌpachina, inaora nohuanton, noꞌpa quëran papotërin. Nani aꞌshinpachina, huënsharatërin. Nani huënsharatahuaton, nitërin.

1 Corintios 15:38

Yosë nohuanton, maꞌsha papotërin. Nisha nisha yaꞌpirin shaꞌpatëra, nisha nisha papotërin. Co napopináchin papotërinhuëꞌ. Yosë nohuanton, naporin.

Hebreos 6:7

Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.