Gálatas 6:9 - Chayahuita (Shahui)

⁹ Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Gálatas 6:9 ပူးပေါင်းရင်းမြစ်များ

Génesis 29:7

Naporoꞌ Cacopo tapon: —Yono piꞌi yaꞌhuëarin niꞌton, pahuanarin ohuicaroꞌsa huëꞌërinquë oncorapicasoꞌ. ¿Onpoatonta co oꞌshitatoma pasto capacaiso marëꞌ quëpaantaramahuëꞌ? itërin.

Salmos 104:27

Yaꞌipi inapita quëmari cosharo quëtacasoꞌ ninarinën.

Salmos 126:5

Parisitatoi naꞌnërëꞌnachin shaꞌtërai. Napoaponahuëꞌ, shaꞌtëraisoꞌ nanitohuachina, capa cancantatoi masarai.

Salmos 145:15

Quëmasáchin yaꞌipiya nëꞌpërinën. Tanasoi chachin cosharo quëtamaso marëꞌ napopi.

Eclesiastés 11:1

Naꞌa cosharo yaꞌhuëtohuachinquën, paꞌanacaso marëꞌ marë quëpatëquëꞌ. Napohuatan co huaꞌquiya quëranhuëꞌ naꞌcon naꞌcon canaaran.

Malaquías 1:13

Canpitaso nonpatamara, napomantaramaꞌ: ‘Maꞌcháchinta Yosë marëꞌ sacatatëhua poꞌsárëhuasoꞌ,’ tënamaꞌ. Napoatoma nocanamaco. Ihuatëramasohuë nipon, ohuaca sonpachahuë nipon, caniaꞌpihuë nipon, quëshitomaco chinotamacoso marëꞌ aꞌnotohuatamacora: ‘Noya ipora ina marëꞌ Sinioro cancantërin,’ toconamaꞌ.

Mateo 10:22

Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 24:13

Canpitaso nipirinhuëꞌ noya ahuantocoꞌ. Co aꞌpohuatamacohuëꞌ, noya nichaꞌësaranquëma huachi.

Mateo 25:17

Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Mateo 9:19

—Noyapaꞌ, tosahuaton inarë chachin paꞌnin. Caꞌtanoꞌsanënpitantaꞌ paꞌpi.

Marcos 3:3

Naporoꞌ apia itapon: —Huëꞌsahuaton, huancánachin huaniquëꞌ, itërin.

Lucas 18:1

“Chiníquën cancantatëꞌ, apira apira Yosë nontacasoꞌ yaꞌhuërin,” taꞌton, pënënto nanan shaꞌhuitantarin ama amitonaꞌ aꞌpocaiso marëhuëꞌ. Aꞌchintaton, itapon:

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

2 Corintios 4:1

Yosë nosoroatoncoi, acorincoi ina nanamën aꞌchinaꞌhuaiso marëꞌ. Ina yonquiatoi, co yaaꞌporaihuëꞌ.

2 Corintios 4:16

Napoaton co aꞌpochináchinhuëꞌ cancantërai. Parisitatoi, co huachi chinipiraihuëꞌ, nani tahuëri achinicancanincoi noya noya cancantaꞌhuaiso marëꞌ.

2 Corintios 9:6

Isontaꞌ yonquicoꞌ: “Piꞌpian shaꞌtohuatëra, piꞌpian manëꞌ. Pancana shaꞌtohuatëra, naꞌcon manëꞌ,” topi.

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

2 Tesalonicenses 3:13

Naꞌaquëmaꞌ iyaroꞌsaꞌ noya nisaramaꞌ. Ama amiatomaꞌ, nisha cancantocosohuëꞌ. Nani tahuëri noya nicoꞌ.

Hebreos 12:3

Isoroꞌpaquë yaꞌhuapon, oshahuanoꞌsari chiníquën noꞌhuipirinahuëꞌ, ahuantërin. Ina yonquiatëhuaꞌ, ama yaaꞌpoaꞌhuasohuëꞌ. Chiníquën cancantocoꞌ.

Hebreos 12:5

Huiꞌninpita pochin nicatonpoaꞌ, Yosë pënëninpoaꞌ chiníquën cancantacaso marëꞌ. Nani nitotopiramahuëꞌ, ¿naniantëramaꞌ ti? Quiricanën quëran napotërinpoaꞌ: “Yonquiquëꞌ conpa. Aꞌna tahuëri Yosë nohuanton, parisitaran noya noya imacamaso marëꞌ. Aꞌna tahuëri piꞌpian anaꞌintopirinquënhuëꞌ, ama sëtëquësohuëꞌ. Ama yaaꞌpoquësohuëꞌ. Ahuantacasoꞌ yaꞌhuërin.

Hebreos 3:14

Iráca Quisocristo natërëhuaꞌ. Chiminaquë huarëꞌ noya imahuaꞌ. Co aꞌpohuatëhuahuëꞌ, Quisocristorëꞌquënpoaꞌ yaꞌhuëcontarihuaꞌ.

Hebreos 3:6

Quisocristoso nipirinhuëꞌ co inpriatohuëꞌ. Yosë huiꞌnin chachin niꞌton, chini chiníquën nanantërin. Paꞌpin natëton, nóya huaꞌanëntarinpoa huachi. Napoaton chiníquën cancantatëhuaꞌ, chiminaquë huarëꞌ Quisocristo natëahuaꞌ. “Co naniantarinpoahuëꞌ,” taꞌtëhuaꞌ, noya cancantahuaꞌ. Imamiatohuatëhuaꞌ, piyapinënpita chachin nisarihuaꞌ.

Santiago 5:7

Napoaton iyaroꞌsaꞌ aparisitohuachinënquëmaꞌ, noya ahuantocoꞌ. Aꞌna tahuëri Sinioro oꞌmantararin. Naporoꞌ yaꞌipiya noꞌtëquën anaꞌintarin. Niꞌcoꞌ. Shaꞌtohuatëra, co aꞌnaroáchin manëhuëꞌ. Oꞌnanpachina, oshaquëran papotarin. Oꞌnaantahuachina, cayarin. “Oshaquëran cayahuachin, mapatëhuaꞌ caꞌsarëhuaꞌ,” taꞌton huaꞌanëni ninararin.

1 Pedro 2:15

Ina Yosë nohuantërin. Aꞌnaquën co Yosë nanamën nitotatonaraihuëꞌ, co yonquipihuëꞌ. Quisocristo imaramaꞌ niꞌton, aꞌnaroáchin yapinorinënquëmaꞌ. Noyasáchin nicoꞌ ama pinoinënquëmaso marëhuëꞌ.

1 Pedro 3:17

Co noyahuëꞌ nipatëra, parisitacasoꞌ yaꞌhuërin. Aꞌna tahuëriso nipirinhuëꞌ Yosë nohuanton, imarëhuasopitantaꞌ parisitarëhuaꞌ. Noya nipirëhuahuëntaꞌ, piyapi aparisitarinënpoaꞌ. Ina pochin parisitacasoꞌ Yosë nohuantërin.

1 Pedro 4:19

Napoaton Yosë nohuanton parisitohuatamaꞌ, noya nicoꞌ. “Catahuaco Sinioro chiníquën cancanchi,” itocoꞌ. Yosë chachin nininpoaꞌ. Inasoꞌ co onporontaꞌ naniantarinpoahuëꞌ.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 2:3

Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.